Jetstar Airlines : ఈ మధ్యకాలంలో అమ్మాయిలు దుస్తులు ధరించడంలో “మా దుస్తులు మా ఇష్టం” అనే ధోరణి పెరిగిపోయింది. దీని ద్వారా ఎంతో అసభ్యకరమైన దుస్తులను ధరిస్తూ బయట తిరగడం చేస్తున్నారు.కానీ దుస్తుల విషయంలో మీ ఇష్టం వచ్చినట్లు మీ ఇంట్లో వేసుకుని తిరగండి కానీ బయటకు వచ్చినప్పుడు కొంత పద్ధతిగా మెలగాలని తాజాగా ఓ విమాన సిబ్బంది ఓ మోడల్ కు తెలియజేశారు. దీంతో ఆ మోడల్ తన మనసును నొచ్చుకుంటూనే సిబ్బంది చెప్పినట్లు నడుచుకోవాల్సిన పరిస్థితి ఏర్పడింది. తాజాగా ఓ మోడల్ పొట్టి దుస్తులు ధరించి విమానంలో ఎక్కడానికి వెళ్లగా అక్కడ సిబ్బంది తనకు అభ్యంతరం తెలియజేశారని బాధితురాలు సోషల్ మీడియా ద్వారా తెలియజేయడంతో అసలు విషయం బయటపడింది. పూర్తి వివరాల్లోకి వెళితే
ఇసాబెల్లే ఎలెనార్ అనే ఇన్స్టాగ్రామ్ మోడల్కు పొట్టి డ్రెస్ వేసుకొని జెట్స్టార్ ఎయిర్లైన్స్లో ఆస్ట్రేలియాలోని గోల్డ్కోస్ట్ నుంచి మెల్బోర్స్కు బయల్దేరారు. సదరు మోడల్ ధరించిన టాప్ మరి పొట్టిగా ఉండడంతో ఎంతో అసహ్యంగా కనిపిస్తుంది. దీంతో ఆ మోడల్ విమానం ఎక్కడానికి విమానయాన సిబ్బంది అభ్యంతరం తెలిపారు. చూడటానికి ఎంతో అసహ్యంగా ఉన్న ఈ టాప్ పై జాకెట్ ధరించాలని సిబ్బంది తెలియజేశారు. ఒకవేళ కాదని అంటే విమానంలో రావడానికి ఎట్టి పరిస్థితుల్లో అనుమతి లేదని సిబ్బంది తేల్చి చెప్పడంతో ఇక చేసేదేమిలేక సదరు మోడల్ టాప్ పై జాకెట్ ను ధరించి విమానంలో ప్రయాణించారు.
విమానంలో తనకు జరిగిన ఈ అవమానాన్ని సోషల్ మీడియాలో తనకు తానుగా తెలియజేస్తూ తన ఆవేదనను తెలియజేశారు. నేను విమానంలోకి వెళ్ళగానే అక్కడ సిబ్బంది ఏదో వెతకడం ప్రారంభించారు.నా డ్రెస్ చూసి నన్ను జాకెట్ వేసుకోమని చెప్పగా బాగా చలి ఉందనే కారణం చేత అలా చెప్పారని భావించాను.కానీ నా టాప్ చిన్నగా ఉండటం వల్ల నన్ను విమానంలో ఎక్కడానికి అనుమతించమని తేల్చి చెప్పారు.ఆ మాట విన్నప్పుడు ఎంతో బాధపడ్డాను జాకెట్ వేసుకునే వరకు సిబ్బంది తనను సీట్లో కూర్చొనివ్వలేదంటూ, అందరి ముందు నాపై వివక్ష చూపుతూ నన్ను అవమాన పరిచారని సదరు మోడల్ సోషల్ మీడియా ద్వారా తన ఆవేదనను వ్యక్తం చేశారు