నవదీప్.. పరిచయం అక్కర్లేని పేరు. డౌన్ టూ ఎర్త్. సినిమా ఇండస్ట్రీలో ఎలాగైనా మంచి పొజిషన్ లో ఉండాలన్న కసితో ఉన్న వ్యక్తి. కానీ.. తను తీసిన చాలా సినిమాలు ప్లాఫ్ అయ్యాయి. దీంతో తన కెరీర్ కు తీవ్రంగా దెబ్బపడింది. అయినప్పటికీ.. సినీ కెరీర్ ను మాత్రం వదల్లేదు.
అడపాదడపా సినిమాలు చేస్తూ.. సైడ్ క్యారెక్టర్లు చేస్తూ.. బుల్లితెర మీద నటిస్తూ.. ఎన్నో రకాలుగా ఇండస్ట్రీలో ఉండేందుకు ప్రయత్నిస్తున్నాడు. అంత కసి కూడా ఉంది ఆయనలో.
అయితే.. తాజాగా నవదీప్.. ఆలీతో సరదాగా ప్రోగ్రామ్ కు గెస్ట్ గా వచ్చాడు. ఈ ప్రోగ్రామ్ కు ఆలీ హోస్ట్ అనే విషయం తెలుసు కదా. ఆలీ ఈ సందర్భంగా నవదీప్ తో ముచ్చటించారు. నవదీప్ కు సంబంధించిన ఎన్నో విషయాలు ఈ ప్రోగ్రామ్ చూస్తే తెలుస్తుంది.
అయితే.. నవదీప్.. మునుపెన్నడు లేనంతగా.. డిఫరెంట్ లుక్ లో కనిపిస్తున్నాడు. గెడ్డం పెంచుకొని డిఫరెంట్ లుక్ లో కనిపించిన నవదీప్ ను చూసిన ఆలీ.. ఏంటి.. ఈ డిఫరెంట్ లుక్. దేనికోసం.. నవదీప్ కాస్త.. నవదీప్ బాబాలా మారాడు ఏంటి అని అడగగా.. ఒక మంచి స్క్రిప్ట్ వచ్చింది.. మంచి ఫీల్ గుడ్ మూవీ చేస్తున్నా. ఆ సినిమా షూటింగ్ డిసెంబర్ లో మేఘాలయాలో జరగనుంది. దానికోసమే ఈ గెటప్ అంటూ తన కొత్త సినిమా విశేషాలను ఆలీతో పంచుకున్నాడు నవదీప్.
నవదీప్ తో చేసిన షోకు సంబంధించిన ఫుల్ వీడియో ప్రస్తుతం యూట్యూబ్ లో అందుబాటులో ఉంది. మీరు కూడా చూడాలనుకుంటే ఇక్కడే చూసేయండి మరి…