తెలుగు ప్రేక్షకుల్లో విపరీతమగా క్రేజ్ ఉన్న బిగ్బాస్ తెలుగు సీజన్ 4 ఎప్పుడు మొదలవుతుందన్న ఆసక్తి అందరిలోను నెలకొన్న సంగతి తెలిసిందే. ఇప్పటికే సీజన్ 4 కి సంబంధించి రకరకాలు వార్తలు కూడా ప్రచారంలో ఉన్నాయి. హోస్ట్ విషయం దగ్గర్నుంచి కంటెస్టెంట్స్ వరకు చాలా వార్తలు వస్తున్నాయి. అయితే తాజాగా అందుతున్న సమాచారం ప్రకారం బిగ్బాస్ తెలుగు సీజన్ 4 ప్రీ ప్రొడక్షన్‌ పనులు జరుగుతున్నాయట. ఇందులో భాగంగా.. బిగ్బాస్ ఇంటిని సిద్దం చేసేందుకు పనులు ప్రారంభమైనట్టుగా తెలుస్తోంది. గత రెండు సీజన్‌లలో మాదిరిగానే ఈ సారి కూడా సెట్‌ను అన్నపూర్ణ స్టూడియోలోనే నిర్మించనున్నారు. మరోవైపు కరోనా నేపథ్యంలో షోను ఈసారి ఎలా ప్లాన్‌ చేయాలన్న విషయంలో నిర్వాహకులు చర్చలు జరుపున్నట్టు సమాచారం.
బిగ్బాస్ హౌస్‌లో కంటెస్టెంట్‌లు అంతా ఒకే ఇంట్లో ఉండాల్సి ఉంటుంది. అంతేకాదు కంటెస్టెంట్‌లు ఫిజికల్‌ టాస్క్‌ల్లో పాల్గొనాల్సి ఉంటుంది. ఇక బిగ్బాస్ కోసం సినిమా మాదిరిగానే 250 మందికి పైగా యూనిట్ సభ్యులు పనిచేయాల్సిఉంటుంది. అయితే ప్రస్తుతం నెలకొన్న పరిస్థితుల నేపథ్యంలో ప్రభుత్వ మార్గదర్శకాలు అనుగుణంగా షూటింగ్‌ చేయడం అనేది నిర్వహకులు పెద్ద సవాలే. అయితే ప్రస్తుత పరిస్థితుల నేపథ్యంలో ఫిజికల్‌ టాస్క్‌లు లేకుండా.. షోను డిఫరెంట్‌గా ప్లాన్‌ చేస్తారని విశ్వసనీయ వర్గాల ద్వారా అందుతున్న సమాచారం.
ఇక బిగ్బాస్ తెలుగు సీజన్ 3 హోస్ట్‌గా వ్యవహరించిన కింగ్ అక్కినేని నాగార్జున.. సీజన్ 4 కి కూడా హోస్ట్‌గా వ్యవహరించే అవకాశాలు ఉన్నాయని తెలుస్తుంది. సోషల్ మీడియాలో సమంత, విజయ్ దేవరకొండ అంటూ ఈ సీజన్ విషయంలో హోస్ట్‌గా పలువురి పేర్లు ప్రచారంలో ఉన్నప్పటికీ.. నిర్వాహకులు మాత్రం నాగార్జున వైపే మొగ్గు చూపారని సమాచారం. మరోవైపు ఈ షో కంటెస్టెంట్‌ల ఎంపిక కూడా దాదాపు ఫైనల్ అయినట్టు తెలుస్తోంది. అయితే ప్రస్తుతం నెలకొన్న పరిస్థితుల నేపథ్యంలో షో ఎప్పుడు ప్రారంభం కానుందనే దానిపై మాత్రం ఇంకా క్లారిటీ రావడం లేదు.
