Women Police Crimes: అదొక మహా నగరం.. ఎంతో మంది మాయలోళ్లు.. కిలాడీలు.., అల్లరోళ్ళు.., చిల్లర మూకలు ఉంటారు.. వారిని పట్టుకుని కటకటాల వెనక్కు నెట్టడానికి పోలీసు శాఖ ఉంటుంది..! కానీ పోలీసు శాఖలోనే ఓ మాయలేడి తయారయింది. పోలీసు ఉద్యోగాన్ని తన హానీ ట్రాప్ పనులకు వాడుకుంది. “మీరు కాస్త డబ్బున్న కుర్రోళ్లయితే మీకు ఫోన్ చేస్తుంది. మాట కలుపుతుంది. పెళ్ళికి రెడీ అంటుంది. డబ్బు తన చేతికి వెళ్ళాక.. విడాకులు అంటుంది..” ఇలా ఏకంగా ముగ్గుర్ని వలలో వేసేసుకుని.. ఈరోజే పోలీసులకు చిక్కింది. బాగా డబ్బున్న ముగ్గురు యువకులను పెళ్లి చేసుకుని వాళ్లకు తెలియకుండానే మోసం చేసి డబ్బుతో చెక్కేసింది..! హైదరాబాద్ లో జరిగిన ఈ ఘటన వివరాలు ఇలా ఉన్నాయి..!
Women Police Crimes: ఏఆర్ విభాగంలో డ్యూటీ..!!
హైదరాబాద్ లో ఎఆర్ మహిళ కానిస్టేబుల్.. నగరంలోని ఏఆర్ హెడ్ క్వార్టర్స్ లో పని చేస్తుంది. పేరు సంధ్యారాణి. వయసు పాతిక ఉంటుంది. చూడడానికి అందంగానే ఉంటుంది. అందం ఉంది, మాంచి ఉద్యోగం ఉంది.. యువకులను వల వేయడానికి ఈ రెండు ఆయుధాలను బాగా వాడుకుంది. ఆమె నాలుగో భర్త ఇచ్చిన ఫిర్యాదుతో డొంక మొత్తం కదిలింది. ఈమె కొన్ని రోజుల కిందట హైదరాబాద్ కి ఉద్యోగం కోసం వచ్చిన చరణ్ తేజ అనే కుర్రాడిని ప్రేమించినట్టు వెంట పడింది. మాటలు కలిపి, పెళ్లి చేసుకోమని బెదిరించింది. లేకపోతే ఎస్సి, ఎస్టీ అట్రాసిటీ కేసు పెడతానంటూ బెదిరించడంతో.. చేసేదేమి లేక చరణ్ పెళ్లి చేసుకున్నాడు. తర్వాత ఆమె చరిత్ర తెలుసుకుని పోలీసులకు ఫిర్యాదు చేసాడు. ఈ ఫిర్యాదులో సంచలన అంశాలు పేర్కొన్నాడు.
గతంలోనే తల్లిదండులు కూడా ఫిర్యాదు..!!
“గడిచిన నాలుగేళ్ళలో ముగ్గురిని పెళ్లి చేసుకుంది. ఇద్దరికీ విడాకులు ఇచ్చేసింది. మరొకరు ఈ కానిస్టేబుల్ వేధింపులు తాళలేక ఆత్మహత్య చేసుకున్నారు. నేను నాలుగో వాడిని. బాగా డబ్బులు ఉన్నవారిని ట్రాప్ చేసి ప్రేమ పేరుతో డబ్బులు దండుకోవడమే ఆమె పని. జల్సాలకు బాగా అలవాటు పడింది. పోలీస్ డిపార్ట్మెంట్ పేరు చెప్పుకొని బెదిరిస్తున్న సంధ్య రాణి. ఒంటరిగా ఉన్న కుర్రాళ్లకు ఫోన్ చేసి మాటలు కలిపి డబ్బులు కాజేస్తుంది. కానిస్టేబుల్ సంధ్య రాణి ట్రాప్ నుండి నన్ను రక్షించండి అంటూ శంషాబాద్ డిసిపి, షాబాద్ పోలీస్ స్టేషన్, సోషల్ మీడియా నంబర్ లకు ఆన్లైన్ ద్వారా పిర్యాదు చేసిన బాధితుడు.. ఈ అంశంలో పెద్ద ట్విస్టు ఏమిటంటే… సంధ్యారాణి వరుస పెళ్లిళ్లపై గతంలోనే జూబ్లీహిల్స్స్టేషన్ లో ఆమె తల్లిదండ్రులు ఫిర్యాదు చేశారు. అప్పటి నుండి తల్లిదండ్రులను కూడా వదిలేసింది. పోలీస్ ఉద్యోగం అని భయపడకుండా ఇష్టమొచ్చిన వారితో తిరుగుతుంది అని తల్లితండ్రుల స్టేట్మెంట్ ఇచ్చారు. ఈ ఫిర్యాదుపై విచారణ చేపట్టి ఆమెను అరెస్టు చేసి బాధితులను రక్షించాలంటూ చరణ్ పేర్కొన్నారు. ఆమె బాధితులు ఇంకా ఎవరైనా ఉన్నా ముందుకు రావాలని కోరాడు..!!
