త్వరలో అమెరికా అధ్యక్ష ఎన్నికలు జరుగనున్న తరుణంలో సరికొత్త ఎత్తుగడలతో డోనాల్డ్ ట్రంప్ నిర్ణయాలు తీసుకుంటున్నారు. మొన్న హెచ్ వన్ బీ వీసా విషయంలో పిడుగు లాంటి వార్త చెప్పడం జరిగింది. అమెరికా ప్రభుత్వ సంస్థల్లో అవుట్ సోర్సింగ్ ప్రాతిపదికన పనిచేస్తున్న విదేశీయులకు ట్రంప్ సర్కారు షాక్ ఇవ్వడం తెలిసిందే. ప్రభుత్వ సంస్థలలో కాంట్రాక్ట్ ఔట్ సోర్సింగ్ ఉద్యోగాలలో అమెరికన్లను మాత్రమే కొత్త నిబంధనలను తీసుకు రావడం తెలిసిందే. ఇదిలా ఉండగా తాజాగా ఈ ఏడాది చివరి వరకు గ్రీన్ కార్డులు, శాశ్వత నివాస పర్మిట్లు నిలిపివేస్తూ అమెరికా అధ్యక్షుడు డొనాల్డ్ ట్రంప్ తీసుకున్న నిర్ణయం ఇప్పుడు అగ్రరాజ్యంలో ఉద్యోగాలు చేపట్టే భారతీయులకు వరంగా మారిందని వార్తలు విన్నపడుతున్నాయి.
ముఖ్యంగా హెచ్ వన్ బీ వీసా విషయంలో శాశ్వత నివాసం కోసం దరఖాస్తు చేసుకున్న బ్యాక్ లాగ్ లో ఎక్కువగా భారతీయులే ఉండటంతో నిబంధనల ప్రకారం బ్యాక్ లాగ్ ను క్లియర్ చేస్తే…అమెరికా తాజా నిబంధనల ప్రకారం భారతీయులు అధికంగా లబ్దిపొందే వెసులుబాటు ఉందని వలస నిపుణులు అంటున్నారు. ప్రస్తుతం అమెరికాలో నివసిస్తున్న పది లక్షల మంది వలసదారులు వారి కుటుంబ సభ్యులు గ్రీన్ కార్డుల కోసం ఇప్పటికే దరఖాస్తు చేసుకుని బ్యాక్ లాగ్ లో ఉన్నారు.
ఎంప్లాయిమెంట్ ఆధారిత గ్రీన్ కార్డ్ దరఖాస్తుదారుల లో మూడు లక్షల దరఖాస్తుల తో భారత్ నుండే పెద్ద సంఖ్యలో దరఖాస్తులు పెండింగ్ లో ఉన్నాయి. దీంతో తాజాగా ఎన్నికల ఏడాది అమెరికన్లకు ఉద్యోగాలు అందుబాటులోకి తీసుకువచ్చేందుకు ట్రంప్ జారీ చేసిన ఎగ్జిక్యూటివ్ ఉత్తర్వులు భారతీయులకు బంపర్ ఆఫర్ ఇచ్చినట్లు పేర్కొంటున్నారు వలస దారుల నిపుణులు. ఈ నిర్ణయం ఖచ్చితంగా భారతీయులకు వెసులుబాటు కల్పిస్తోందని అభిప్రాయం వ్యక్తం చేస్తున్నారు.
