ఎవరు తీసిన గోతిలో వారే పడతారు అని చాలామంది అంటుంటారు. ఇప్పుడు ఇదే రీతిలో అనంతపురం రాజకీయాలలో జెసి బ్రదర్స్ విషయంలో జరుగుతుందని ఆ జిల్లాలో అందరూ తెగ చర్చించుకుంటున్నారు. పూర్తి విషయంలోకి వెళితే అక్రమ రిజిస్ట్రేషన్ వాహనాల విషయంలో మాజీ ఎమ్మెల్యే జేసీ ప్రభాకర్ రెడ్డి దాదాపు రెండు నెలల పాటు జైల్లో ఉండటం జరిగింది. బెయిల్ కోసం అనేక సార్లు ప్రయత్నించి చివరాకరికి ఇటీవల బెయిల్ పొందారు.
అయితే బెయిల్ పొందిన తర్వాత జేసీ ప్రభాకర్ రెడ్డి పోలీసులతో తగవులు పెట్టుకొని…భూతులు తిట్టడంతో సెక్షన్ 353 కింద ఎస్సీ, ఎస్టీ కేసుతో పాటు పోలీసుల విధులకి ఆటంకం కలిగించినట్లు మళ్ళీ అరెస్ట్ అవ్వడం జరిగింది. ఇంతలోనే బయటకు వచ్చి జెసి ప్రభాకర్ రెడ్డి అంతలోనే లోపలికి వెళ్లడంతో జిల్లాలో జెసి ఫ్యామిలీ ప్రత్యర్థి ప్రస్తుత తాడిపత్రి ఎమ్మెల్యే కేతిరెడ్డి పెద్దారెడ్డి ఫుల్ హ్యాపీగా ఉన్నట్లు వార్తలు వైరల్ అవుతున్నాయి. గతంలో తాడిపత్రి నియోజకవర్గంలో జెసి బ్రదర్స్ టీడీపీ హయాంలో కేతిరెడ్డి పెద్దారెడ్డి ని చోటామోటా కేసుల్లో ఇరికించి అనేకసార్లు జైల్లో పెట్టించడం జరిగిందట.
అయితే అధికారంలోకి వచ్చినా కేతిరెడ్డి పెద్దారెడ్డి తన చేతికి మట్టి అంటకుండా, ఎలాంటి కక్షసాధింపు చర్యలు చేపట్టకుండా తన ప్రత్యర్థి జేసీ ప్రభాకర్ రెడ్డి అక్రమ వాహన రిజిస్ట్రేషన్ కేసుల్లో అరెస్ట్ అవ్వడం, పైగా ఆ కేసు పెద్దది కావటం తో జేసీ ప్రభాకర్ అరెస్టు విషయంలో జిల్లాలో ఎవరు తీసిన గోతిలో వారే పడతారు అని చాలామంది అంటున్నారట.