Kamal Hassan : శృతిహాసన్ పెళ్లి గురించి కమల్ హాసన్ వైరల్ కామెంట్స్..!!
Kamal Hassan : “క్రాక్” సినిమాతో లాక్ డౌన్ తర్వాత అదిరిపోయే బ్లాక్ బస్టర్ హిట్ తన ఖాతాలో వేసుకుంది శుతిహసన్. ఒక పక్క దక్షిణాదిలో సినిమాలు చేస్తూనే మరో పక్క బాలీవుడ్ ఇండస్ట్రీలో కూడా పలు సినిమాలు ఒప్పుకుంటూ ఉంది. కమల హాసన్ కూతురు గా ఇండస్ట్రీలో అడుగు పెట్టిన ఈ ముద్దుగుమ్మ అతి తక్కువ కాలంలోనే తనకంటూ సెపరేట్ క్రేజ్ క్రియేట్ చేసింది. ఇదిలా ఉంటే కూతురు పెళ్లి గురించి తాజాగా ఇటీవల కమల్ హాసన్ చేసిన వ్యాఖ్యలు సోషల్ మీడియాలో వైరల్ అవుతున్నాయి. నటనలో నాకున్న అనుభవం బట్టి వాళ్లకు ఎలాంటి సలహాలు ఇవ్వను అని అడిగితే నటనలోని మెళకువల గురించి చెబుతాను, లోపాలను ఎత్తి చూపడం నాకు ఇష్టం ఉండదు అని తెలిపారు. వాస్తవానికి కూతుర్లను శాస్త్రవేత్తలను చేయాలని చిన్ననాటి కోరిక, కానీ వాళ్లకు స్వేచ్ఛనిచ్చాను. నటనను ఎంచుకున్నారు. ప్రస్తుతం ఇండస్ట్రీలో రాణిస్తున్నారని తెలిపారు. ఇక కూతుర్ల పెళ్లి గురించి మాట్లాడుతూ..ఫలానా వ్యక్తిని ప్రేమించాను అని నా దగ్గరికి వస్తే నేను ఏమి వ్యతిరేకించను, పెళ్లి అనేది వాళ్ళ ఇష్టం అంటూ కమలహాసన్ చెప్పుకొచ్చారు. అంతే కాకుండా తన కూతురు శృతిహాసన్ అయినా మరి ఎవరైనా సరే వేరే కులానికి సంబంధించిన వారిని ఎంపిక చేసుకుంటే నేను మరింతగా సంతోషిస్తాను అని తెలిపారు. దీంతో కమల్ హాసన్ చేసిన వ్యాఖ్యలు నెట్టింట వైరల్ అవుతున్నాయి.