Bone Strength: కొంచెం దూరం నడిచిన కాళ్లు నొప్పులు, ప్రతి చిన్న దెబ్బకీ ఎముకలు విరిగి పోతున్నయా.. అయితే మీ ఎముకలు బలహీనంగా ఉన్నాయని అర్థం.. కాల్షియం లోపం కారణంగా ఈ సమస్య తలెత్తుతుంది.. ఇందు కోసం విటమిన్ సప్లిమెంట్స్ బదులు పోషకాహారం తీసుకోవలి.. ఎముకలు బలంగా, దృఢంగా ఉండాలంటే ఈ ఆహారాలను మీ డైట్ లో భాగంగా చేసుకోవాలి..!! అవేంటో ఇప్పుడు చూద్దాం..!!
Bone Strength: ఈ పోషకాహారం తీసుకుంటే ఎముకల బలహీనత కు చెక్..!!
పాలలో క్యాల్షియం ఉంటుంది అని అందరికీ తెలిసిందే ప్రతిరోజు రెండు గ్లాసుల పాలను రెండు పూటలా తాగితే క్యాల్షియం లోపం తలెత్తదు. ఒక గ్లాసు పాలలో నువ్వుల పొడిని కలిపి తీసుకుంటే కాల్షియం సమృద్ధిగా ఉంటుంది. నువ్వులు లో కూడా కాల్షియం అధికంగా లభిస్తుంది. ఈ నువ్వుల పాలు ఎముకల బలహీనత తగ్గించి, ఎముకలను దృఢంగా తయారు చేస్తుంది. పెరుగు లో కూడా కాల్షియం సమృద్ధిగా లభిస్తుంది. ప్రతి రోజూ మీ డైట్ లో పెరుగు భాగం చేసుకుంటే ఎముకల సమస్యలు తలెత్తవు. ఎముకల సాంద్రతను పెంచడానికి అద్భుతంగా సహాయపడుతుంది.
అన్ని రకాల డ్రై ఫ్రూట్స్ ను తీసుకుంటే ఎముకలు బలంగా దృఢంగా ఉంటాయి. అలాగే ఎండిన విత్తనాలు, సోయా గింజలు, గుమ్మడికాయ గింజలు, పొద్దుతిరుగుడు గింజలు మీ ఆహారంలో చేర్చుకోవాలి. సాయంత్రం పూట స్నాక్స్ గా వీటిలో మీకు నచ్చినవి ఏవైనా తినొచ్చు. తృణధాన్యాలను కూడా రోజుకు ఒక పూట ఆహారంగా తీసుకోండి. ఇవి కూడా ఎముక ఆరోగ్యానికి దోహదపడతాయి. అన్ని రకాల తృణధాన్యాల లో కాల్షియం సమృద్ధిగా లభిస్తుంది. వీటితో మీకు నచ్చిన రకాల వంటలను తయారు చేసుకుని తినండి. ఎముకలను పెళుసుబారకుండా, విరగకుండా ఉండేందుకు ఈ ఆహారం సహాయపడుతుంది.
సిట్రస్ పండ్లలో విటమిన్ సి అధికంగా ఉంటుంది ఎముకల నష్టాన్ని నివారించడం లో కీలక పాత్ర పోషిస్తుంది కీళ్ల నొప్పులను దూరం చేస్తుంది. మీ రోజు వారీ ఆహారం లో కచ్చితంగా ఒకటైనా నిమ్మ జాతి పండ్లు ఉండేలా చూసుకోండి. వీటితోపాటు ఆకుపచ్చని కూరగాయలు, ఆకుకూరలు మీ డైట్ లో భాగం చేసుకోండి. చేపలను ముఖ్యంగా సాల్మన్ ఫిష్ ను ఎక్కువగా తీసుకుంటూ ఉండాలి విటమిన్- కె లోపం వలన కూడా ఈ సమస్య వస్తుంది. అందుకని విటమిన్ కె ఎక్కువగా ఉండే ఆహార పదార్థాలను కూడా తినాలి.
