Today Gold Rate: (28/4/2021) పసిడి ప్రియులకు అలర్ట్.. బంగారం కొనుగోలు చేయాలనుకునే వారికి గుడ్ న్యూస్.. ఐదు రోజులుగా బంగారం ధరలు తగ్గాయి.. ఈ రోజు కూడా పసిడి ధర తగ్గింది. ఏప్రిల్ 1 నుంచి అప్పుడప్పుడు కాస్త తగ్గుతున్న బంగారం ధరలు.. ఏప్రిల్ 22 వరకు పెరుగుతూ వచ్చాయి. ఆ తర్వాత బంగారం ధరలు రివర్స్ అయ్యాయి. మళ్ళీ వరుసగా మూడు రోజులు పసిడి ధరలు తగ్గాయి. నిన్న బంగారం ధర లో ఎలాంటి మార్పు లేకుండా స్థిరంగా ఉన్నాయి. ఈరోజు కూడా బంగారం ధర తగ్గడంతో వరుసగా ఐదు రోజులు బంగారం ధరలు క్షీణించాయి.. ఈరోజు బంగారం, వెండి ధరలు ఇలా ఉన్నాయి.
బుధవారం హైదరాబాద్ బులియన్ మార్కెట్ లో 10 గ్రాముల 22 క్యారెట్ల బంగారం నిన్నటి రేటు కి రూ.140 తగ్గింది. దీంతో ఈ రోజు ధర రూ.44, 450 కి చేరింది. అలాగే 10 గ్రాముల 24 క్యారెట్ల బంగారం ధర నిన్నటి ధరకి రూ.190 క్షీణించింది. దీంతో ఈ రోజు ధర రూ.48,460 వద్దకు చేరింది. వాస్తవానికి ఇది పెళ్ళిళ్ళ సీజన్. అదేసమయంలో కరోనా కారణంగా పెళ్లి వాయిదా పడుతున్నాయి. దేశ ఆర్థిక పరిస్థితులు బాగోలేదు. అందువల్ల బంగారం కొనుగోలు అంతగా లేవు. దీనివలన బంగారం ధర తగ్గే అవకాశం ఉన్నా.. స్టాక్ మార్కెట్లో పెట్టుబడులు వెనక్కి తీసుకొని బంగారం పెట్టే అవకాశాలు ఉన్నాయి. అందువల్ల బంగారం ధరలు పెరగవచ్చనే అంచనాలు ఉన్నాయి. ఈరోజు వెండి ధరలు స్వల్పంగా పెరిగాయి. నిన్నటి వెండి ధర కి రూ.200 పెరిగింది. దీంతో ఈ రోజు కిలో వెండి ధర రూ.74,000 చేరింది.
