త్వరలో కేసీఆర్ జాతీయ రాజకీయాల్లో చక్రం తిప్పనున్నరని ఫెడరల్ ఫ్రంట్ ఏర్పాటు కి రెడీ అవుతున్నట్లు ఇటీవల వార్తలు తెలంగాణ రాజకీయాలలో జోరందుకున్నాయి. ఈ క్రమంలో కేటీఆర్ ముఖ్యమంత్రి కాబోతున్నట్లు కూడా వార్తలు వస్తున్నాయి. అందువల్లనే వరదలు వచ్చిన సమయంలో కరోనా విషయంలో కేటీఆర్ యే చాలావరకు దగ్గరుండి బాధ్యతలు చేపట్టినట్లు పార్టీలో టాక్ మొన్నటి దాక వచ్చింది. పరిస్థితి ఇలా ఉండగా త్వరలో గ్రేటర్ హైదరాబాద్ ఎన్నికలు జరగనున్నాయి. అయితే ప్రస్తుతం తెలంగాణ రాష్ట్ర రాజకీయాలను గమనిస్తూ బిజెపి పార్టీ చాలా దూకుడుగా వ్యవహరిస్తోంది.
ఎలాగైనా జీహెచ్ఎంసీ ఎన్నిక లో గెలవాలని కేంద్ర హోం సహాయ శాఖ మంత్రి కిషన్ రెడ్డి అదేవిధంగా తెలంగాణ రాష్ట్ర బిజెపి అధ్యక్షుడు బండి సంజయ్ కష్టపడి క్యాడర్ ని ఒక తాటి పైకి తీసుకు వస్తున్నారు. మరోపక్క గ్రేటర్ హైదరాబాద్ ఎన్నికల భారాన్ని మొత్తం సీఎం కేసీఆర్…. కేటీఆర్ కి అప్పజెప్పినట్లు టిఆర్ఎస్ పార్టీ వర్గాల్లో టాక్. ఇటువంటి నేపథ్యంలో ఎన్నికలు జరిగిన గ్రేటర్ హైదరాబాదు లో టిఆర్ఎస్ పార్టీ గెలిచే అవకాశం లేదన్నా టాక్ వస్తోంది. కారణం చూస్తే కరోనా కట్టడి చేయడంలో టిఆర్ఎస్ పార్టీ పూర్తిగా విఫలం చెందినట్లు హైదరాబాద్ వాసులు బలంగా నమ్ముతున్నారట.
అదేవిధంగా ఇటీవల వర్షాలు వచ్చిన క్రమంలో రోడ్ల పరిస్థితి మరీ అధ్వానంగా ఉండటంతో నగరవాసుల లో కేసీఆర్ సర్కార్ పై మరింతగా వ్యతిరేకత మొదలైనట్లు టాక్ వస్తుంది. మరోపక్క బీజేపీ మాత్రం గ్రౌండ్ లెవెల్ లో టిఆర్ఎస్ పార్టీపై కొంచెం వ్యతిరేకత ఎక్కడ ఉన్నా గానీ దాన్ని క్యాష్ చేసుకోవడానికి వర్క్ స్టార్ట్ చేయడం జరిగిందట. ఈ నేపథ్యంలో గ్రేటర్ హైదరాబాద్ ఎన్నికల్లో గనుక టిఆర్ఎస్ పార్టీ ఈసారి ఓడిపోతే మాత్రం కేటీఆర్ జన్మలో సీఎం అయ్యే అవకాశం ఉండదని మేధావులు చెప్పుకొస్తున్నారు. మరోపక్క కేటీఆర్ మాత్రం గ్రేటర్ హైదరాబాద్ ఎన్నికల విషయంలో గతంలో మాదిరిగానే డిజిటల్ తరహాలో ప్రచారానికి రెడీ అవుతున్నట్లు సమాచారం.