ప్రస్తుతం సమాజం తీరే అలా ఉంది. ఎటూ కాకుండా పోతున్నాయి వావి వరసలు. బంధాలకు విలువ లేకుండా పోతోంది. వయసు వ్యత్యాసం అసలే తెలీట్లేదు. సమాజం తలదించుకునే సంఘటనలు రోజురోజుకీ పెరిగిపోతున్నాయి. తాజాగా ఇలాంటి సంఘటనే ఒకటి నమోదైంది.
లావుగా ఉన్న స్నేహితుడి భార్యను సన్నగా చేస్తానని నమ్మబలికించాడు ప్రబుద్దుడు. స్నేహితుని భార్య అని కూడా చూడకుండా ఆమెను వలలో వేసుకున్నాడు. లేపుకుని వెళ్ళిపోయాడు. పోలీసుల కళ్ళు గప్పి కూడా వారు తిరుగుతున్నారు. ఈ ఆసక్తికర సంఘటన విశాఖ జిల్లాలో జరిగింది. హైదరాబాద్ కు చెందిన వ్యక్తి భార్య, కుమారుడితో కలిసి ఎల్బీ నగర్ లో నివాశముంటున్నాడు. ఈయన గారికి విశాఖపట్నానికి చెందిన వ్యక్తితో స్నేహం ఏర్పడింది.
ఆ వ్యక్తితో పాటు అతని భార్యతో కూడా స్నేహం పెంచుకున్నాడు. ఆమె కొంచెం లావుగా ఉండడంతో ఆ యాంగిల్ లో ఆమెను వాడుకోవాలని చూసాడు. ఆమెను సన్నగా, నాజూకుగా మారుస్తానని నమ్మబలికాడు. ఆమెను తనతో పాటు హైదరాబాద్ నుండి విశాఖపట్నానికి తీసుకునివెళ్ళిపోయాడు. తీరా ఈ ఎల్బీ నగర్ వాసి ఇంటికొచ్చి చూస్తే భార్య లేదు. పోలీసులకు ఫిర్యాదు చేస్తే వారు విచారణ జరిపి విశాఖలోని ఆ ఇంటిని గుర్తించారు. పోలీసుల యూనిఫామ్ లో కాకుండా సివిల్ డ్రెస్ లో వెళ్లి ఆమె వివరాలు తీసుకుని అక్కడినుండి తీసుకెళ్లే ప్రయత్నం చేస్తుండగా, స్థానికులు 100 డయల్ చేసి పోలీసులకు ఫిర్యాదు చేసారు.
లోకల్ పోలీసులు వచ్చి మీరెవరు అని ప్రశ్నించగా హైదరాబాద్ పోలీసులు వారి ఐడి కార్డులను చూపించాల్సి వచ్చింది. ఈలోగా ఆ ప్రబుద్దుడు, ఆమెను తీసుకుని ఉడాయించాడు. ప్రస్తుతం వారి కోసం పోలీసులు గాలిస్తున్నారు. ఇంతకీ ఆ వ్యక్తి వయసు 56 కాగా ఆమె వయసు మాత్రం 36.