సినిమాల్లో మహేశ్ బాబు సిగరెట్లు తాగడం చూశాం కానీ.. నిజ జీవితంలో ఆయన సిగరెట్లు తాగుతాడా? అనే డౌట్ చాలామంది అభిమానులకు ఉంటుంది. అయితే ఒకప్పుడు.. మహేశ్ బాబు విపరీతంగా సిగరెట్లు తాగేవాడట. అవును.. చాలామందికి ఈ విషయం తెలియదు. పెళ్లి కాకముందు ముచ్చట గురించి మనం మాట్లాడుకునేది.
తన కెరీర్ తొలి రోజుల్లో మహేశ్ బాబు విపరీతంగా సిగరెట్లు కాల్చేవాడట. రోజుకు కనీసం 2 పెట్టెల సిగరెట్లు కాల్చేవాడట. ఇండస్ట్రీ కొత్తలో మాత్రమే మహేశ్ సిగరెట్లు బాగా కాల్చేవాడని.. అందుకే ఆయన సినిమాల్లోనూ ఎక్కువగా సిగరెట్లు కాల్చే సీన్లను పెట్టారని అంటుంటారు. తన సన్నిహితులు కూడా అదే చెప్పేవాళ్లు.
రోజుకు 2 పెట్టెల సిగరెట్లు తాగే మహేశ్.. సడెన్ గా పోగ తాగడం మానేశాడు. అప్పటి నుంచి ఇప్పటి వరకు ఒక్క సిగరెట్ కూడా ముట్టుకోలేదు. దాని వెనుక పెద్ద కారణమే ఉంది. అది ఒక ఫ్రెండ్ ఇచ్చిన పుస్తకం వల్ల. అవును.. మీకు అలెన్ కార్ అనే రచయిత గుర్తున్నాడా? ఆయన రాసిన స్టాప్ స్మోకింగ్ నవ్ అనే పుస్తకం తెలుసు కదా. ఆ పుస్తకాన్ని మహేశ్ ఫ్రెండ్ ఒకరు.. మహేశ్ కు గిఫ్ట్ ఇచ్చాడట. ఆ పుస్తకాన్ని చదివాక.. మహేశ్.. స్మోకింగ్ చేయడమే మానేశాడట. అంతే కాదు.. అప్పటి నుంచి తన అభిమానులకు కూడా స్మోకింగ్ చేయొద్దంటూ కోరుతున్నాడు. అంటే.. మహేశ్ స్మోకింగ్ ను మాన్పించింది ఒక స్నేహితుడు, ఒక పుస్తకం అన్నమాట.
ప్రస్తుతం మహేశ్ బాబు.. సర్కారు వారి పాట సినిమా షూటింగ్ లో బిజీగా ఉన్నాడు. ఈసినిమాను పరశురామ్ డైరెక్ట్ చేస్తుండగా… కీర్తి సురేశ్ హీరోయిన్ గా నటిస్తోంది.