లెక్చరర్ గా పవర్ స్టార్ సూపర్ కథ సెట్ చేసిన బండ్ల గణేష్ ..?

పవర్ స్టార్ ప‌వ‌న్ కళ్యాణ్ వరసగా ప్రాజెక్ట్స్ అనౌన్స్ చేస్తూ వస్తున్నాడు. వకీల్ సాబ్ కంప్లీట్ కాబోతున్న నేపథ్యంలో పవన్ కళ్యాణ్ తన నెక్స్ట్ ప్రాజెక్ట్స్ స్టార్ట్ చేయాలని సన్నాహాలలో ఉన్నాడు. దసరా పండగ సందర్భంగా మలయాళ సూపర్ హిట్ ‘అయ్యప్పన్‌ కొషియమ్’ చేస్తున్నట్టు ప్రకటించాడు. సితార ఎంటర్‌టైన్‌మెంట్స్‌ ప్రొడక్షన్‌ నెం.12గా రూపొందనున్న ఈ సినిమాకి సాగర్ కె చంద్ర దర్శకత్వం వహిస్తున్నాడు. త్వరలో ఈ సినిమా కి సంబంధించిన మిగతా కాస్ట్ అండ్ క్రూ పూర్తి వివరాలు వెల్లడి కానున్నాయి.

కాగా బండ్ల గ‌ణేష్ కూడా పవర్ స్టార్ తో సినిమా చేయబోతున్నట్టు ఇప్పటికే ప్రకటించాడు. ఈ క్రమంలో కొత్త రచయిత దగ్గర కథ విన్న బండ్ల గ‌ణేష్ ఆ కథ బాగా నచ్చడంతో త్వరలోనే పవన్ కు ఆ కథను వినిపించనున్నారని తాజా సమాచారం. ఇక ఈ కథలో పవన్ పాత్ర కాస్త కొత్తగా ఉంటుందని.. కాలేజీ లెక్చరర్ గా పవన్ సినిమాలో కనిపిస్తారని తెలుస్తుంది. పవన్ కు కూడా ఈ కథ నచ్చితే మిగతా పనులు మొదలవుతాయని అంటున్నారు. అంతేకాదు ఈ సినిమా వచ్చే ఏడాది నుండి సెట్స్ పైకి వెళ్లనుందని సమాచారం. కాగా ఇంకా ఈ ప్రాజెక్ట్ కి డైరెక్టర్ ఎవరన్నది డిసైడవ్వాల్సి ఉంది.

అయితే కాలేజీ నేపథ్యంలో పవన్ సినిమా అనగానే ఫ్యాన్స్ లో ఆసక్తి మొదలైంది. అందులోను పవన్ లెక్చరర్ పాత్ర పోషిస్తున్నారంటే ఇక సినిమా పై అంచనాలు భారీగా పెరగడం ఖాయం. ఇక త్వరలో వకీల్ సాబ్ టీజర్ రిలీజ్ కి ప్లాన్ చేస్తుండగా సంక్రాంతి బరిలో ఈ సినిమా దింపాలని దిల్ రాజు ప్లాన్ చేస్తున్నాడు. అలాగే డిసెంబర్ నుంచి క్రిష్ సినిమా లో పవన్ కళ్యాణ్ జాయిన్ కానున్నట్టు సమాచారం.