బిగ్ బాస్ హౌస్ లో స్ట్రాంగ్ కంటెస్టెంట్ గా ముందు నుండి పేరు వినబడుతున్న వారిలో ఒక పేరు నోయల్. సీజన్ ఫోర్ స్టార్ట్ అయిన నాటి నుండి నోయల్ హౌస్ లో రెండుసార్లు కెప్టెన్ అవ్వటం మాత్రమే కాకుండా, ప్రతి విషయాన్ని పాజిటివ్ గా తీసుకుంటూ గేమ్ ఆడటం జరిగింది. కానీ ఎప్పుడైతే తన పెయిన్ విషయంలో ఇంటిలో అవినాష్ అదేవిధంగా అమ్మరాజశేఖర్ కామెడీ చేశారో తట్టుకోలేక ఇంటి నుండి వెళ్లిపోయే సమయంలో ఒక్కసారిగా బరస్ట్ అయి పోయి మనసులో ఉన్నది ఉన్నట్టు చెప్పేసాడు.
అర్థరైటిస్ కారణంగా ప్రస్తుతం బయట ఇంటర్వ్యూలు ఇస్తూ ఉన్నాడు. ఈ క్రమంలో హౌస్ లో ఒకరి గురించి ఒక అభిప్రాయాన్ని తెలియజేసిన నోయల్… హౌస్ లో మాస్కు లేకుండా ఆడుతున్నది ఎవరు అనే ప్రశ్నకు ఎటువంటి ఆలోచన చేయకుండా టక్కున అభిజిత్ పేరు చెప్పాడు. గేమ్ పై చాలా క్లారిటీ గా ఉన్నాడని, ఇంటిలో కి వచ్చినప్పుడు ఎలా ఉన్నాడో ఇప్పటివరకు అలానే ఉన్న వ్యక్తుల్లో అభిజిత్ ఒక్కడని నోయల్ తాజా ఇంటర్వ్యూలో తన అభిప్రాయాన్ని తెలిపాడు.
అంతేకాకుండా ఈసారి హెల్త్ అంతా బాగుపడిన తర్వాత హౌస్ లోకి మళ్ళీ వెళ్లే ఛాన్స్ వస్తే కనుక తన శక్తి మేర గేమ్ ఆడుతా అంటూ మాట ఇచ్చాడు. అదేవిధంగా రెండు తెలుగు రాష్ట్రాలలో తనకు సపోర్ట్ చేసిన ప్రతి ఒక్కరికి నోయల్ కృతజ్ఞతలు తెలిపాడు. హౌస్ లో ఉన్నంత కాలం తన కుటుంబ సభ్యులను చాలా మిస్ అయినట్లు పేర్కొన్నాడు. ఖచ్చితంగా బిగ్ బాస్ అనుభవం జీవితంలో మర్చిపోలేను అని పేర్కొన్నాడు.