ఇటీవల ఓ ప్రముఖ టీవీ న్యూస్ ఛానల్ కి బాబు మోహన్ ఇంటర్వ్యూ ఇవ్వడం జరిగింది. ఈ సందర్భంగా యాంకర్ రంగులు వేసుకునే వారికి రాజకీయం అవసరమా అని బాబు మోహన్ ని ప్రశ్నించారు. ఈ ప్రశ్న ఎన్టీఆర్ ని అడగాల్సింది అని అనగా యాంకర్ ఆయన సక్సెస్ అయ్యారని మిగతా వాళ్ళు సక్సెస్ కాలేదని పేర్కొన్నారు. ఎన్టీఆర్ మాదిరిగా చిరంజీవి పవన్ కళ్యాణ్ రాణించలేకపోయారు.
దీనిపై మీ కామెంట్ ఏమిటి అని బాబు మోహన్ ని ప్రశ్నించారు. దీనికి సమాధానం ఇస్తూ రాజకీయాల్లో ఎవరైనా రాణించవచ్చు అని అది రాజ్యాంగం కల్పించిన హక్కు అని తెలిపారు. దీనిలో భాగంగా పవన్ కళ్యాణ్ గురించి యాంకర్ ప్రశ్నించగా.. ఆయన రాజకీయం ఆయన ఇష్టం. ఆయన ఏదైనా చేయవచ్చు. ఇంకా నాలుగు సార్లు ఓడిపోయి కూడా మళ్లీ పోటీ చేయవచ్చు.
అది ఆయన ఇష్టం పవన్ గురించి మాట్లాడటానికి నేను ఎవరిని అంటూ బాబు మోహన్ తనదైన శైలిలో జవాబిచ్చారు. అంతేకాకుండా బాబు మోహన్ కి కోపం ఎక్కువ అని ప్రశ్నించగా. నిజంగా నాకు కోపం ఉంటే ప్రజలు మూడుసార్లు ఎమ్మెల్యేగా ఎందుకు గెలిపిస్తారని యాంకర్ ని ఎదురు ప్రశ్నించారు బాబు మోహన్. నా పరిధిలో ఉండే ప్రజలతో ఎప్పుడూ అందుబాటులో ఉంటూ వారి సమస్యలు తీరుస్తారని వేరే విషయాలకు వెళ్లనని చెప్పుకొచ్చారు. సినిమాలు వేరు రాజకీయాలు వేరు అని తెలిపారు.