ప్రాచీన భారతీయులకు కృష్ణ బియ్యం లక్షణాలు, దాని ఉపయోగాలు బాగా తెలుసు. ఎందుకంటే అనేక ప్రాచీన గ్రంథాల్లో కృష్ణ బియ్యం గురించి ‘కృష్ణ బియ్యానికున్న ఔషధ లక్షణాలను గురించికూడా వివరించ బడినది.కృష్ణ బియ్యాన్ని చర్మ వ్యాధులు నయం చేయడానికి ఉపయోగించేవారనే ఆధారం కూడా ఉంది. రోగ నిరోధక శక్తిని పెరగడానికి, శారీరక బలం వృద్ధికి వీటిని వాడేవారు.
ఇప్పటి వరకు వైట్ రైస్, బ్రౌన్ రైస్ గురించేకానీ కృష్ణ బియ్యం గురించి తెలిసినవాళ్ళు చాలా తక్కువమంది ఉన్నారు.కృష్ణ బియ్యం అంటే నలుపు రంగులో ఉండే బియ్యం అని అర్ధం. నల్లని బియ్యం కంటే గొప్ప ఆరోగ్య సంపదఇచ్చేది ఇంకోటి లేదు. లూసియానా విశ్వవిద్యాలయ పరిశోధన ప్రకారం ఈ నల్ల బియ్యం లో విటమిన్ ఇ ఎక్కువ, నియాసిన్, కాల్షియం, మెగ్నిషియం, ఇనుము, జింక్ వంటి ముఖ్యమైన విలువలుంటాయి.
కృష్ణ బియ్యం లో రెండు మూడు గ్రాముల ఫైబర్ ఉంటుంది. షుగరు అదుపులో ఉంచుతుంది.ఈ బియ్యం శరీరంలో ఇన్సూలెన్స్ లెవెల్స్‌ను తగ్గించడంవల్ల ఒబెసిటీ సమస్య కూడా తగ్గుతుంది . బ్లాక్ రైస్‌లో ఉండే అంధోనియానిన్స్ కంటి వ్యాధులను నయంచేస్తాయి.. స్త్రీలకు క్యాన్సర్ రాకుండా కాపాడతాయని వైద్య నిపుణులు చెబుతారు.ఈ బియ్యం గంజిని తలకు పట్టించుకోవడం వలన ,వెంట్రుకలు బలంగా అందంగా ఉంటాయి.
రోజు ఈ గంజిని ముఖానికి మాస్క్‌గా వేసుకుంటే మచ్చలు మొటిమలు మాయమవుతాయి. అమెరికా వ్య‌వ‌సాయ విభాగం ప్రకటించిన వివరాల ప్రకారం కృష్ణ బియ్యం లో 18 ముఖ్యమైన అమినో ఆమ్లాలు, ఐరన్, జింక్, కాపర్, కెరొటిన్, పైబర్, విటమిన్లు, మినరల్స్ ఉంటాయి. పోషకాలు ప్రొటీన్లు అధికంగా ఉంటాయని చెబుతున్నారు. అనేక తీవ్ర వ్యాధుల నుంచి బయట పాడటానికికృష్ణ బియ్యం ఉపయోగపడతాయని పరిశోదకుల పరిశీలనలో తేలింది.కాబట్టి మీ ఆహారం లో వీటికి కూడా స్థానం కల్పించి ఆరోగ్యవంతులుగా జీవించండి.