హీరోలకు అభిమానులు ఉండడం మనం ఎప్పుడూ చూస్తూనే ఉంటాం. కానీ అదే, సినిమాకు అభిమానులు ఉంటే? ఆలా చాలా అరుదుగా జరుగుతుంది. అలాంటి సినిమాల్లో ఒకటి కేజీఎఫ్. హీరో యశ్ గురించి ఈ సినిమా పార్ట్ 1 రిలీజ్ అయ్యే వరకు తెలుగు వాళ్లకు తెలియదు. కానీ.. కేజీఎఫ్ మొదటి భాగం విడుదలైన తర్వాత ఇప్పుడు యశ్ అంటే అందరికీ తెలుసు. అతన్ని రాఖీ భాయ్ గానే గుర్తు పెట్టుకున్నారు చాలా మంది తెలుగు ప్రేక్షకులు.
ఈ చిత్రానికి సీక్వెల్ త్వరలోనే రాబోతున్న సంగతి తెలిసిందే. ఈ సెకండ్ పార్ట్ కేజీఎఫ్ కోసం చాలా మంది వెయిట్ చేస్తున్నారు. ప్రస్తుతం దక్షిణాదిలో బిగ్గెస్ట్ పాన్ ఇండియన్ చిత్రాల్లో “కేజీయఫ్ చాప్టర్ 2” కూడా ఒకటి. ఈ చిత్రానికి ప్రశాంత్ నీల్ దర్శకత్వం వహిస్తున్నారు. ఈ సినిమాపై అంచనాలు తారా స్థాయిలో ఉన్నాయి. ఈ భారీ యాక్షన్ థ్రిల్లర్ కు సంబంధించిన టీజర్ కూడా త్వరలోనే రిలీజ్ కాబోతోంది.
ఈ జనవరి 8 న హీరో యశ్ బర్త్ డే సందర్భంగా టీజర్ విడుదలకు ప్లాన్ చేసారు. అన్ని భాషల వారూ ఈ సినిమా కోసం ఎదురు చూస్తున్నారు. మరి టీజర్ కూడా అన్ని లాంగ్వేజెస్ లో రిలీజ్ అవుతుందా? లేదా? అన్నదే ప్రశ్న. ఆ మధ్య కేవలం కన్నడ టీజర్ ను మాత్రమే మేకర్స్ విడుదల చేయనున్నారని టాక్ వచ్చింది.
అయితే.. తాజా సమాచారం ప్రకారం కేవలం సింగిల్ లాంగ్వేజ్ లోనే ఈ సినిమా టీజర్ ను రిలీజ్ చేస్తారని తెలుస్తోంది. నిర్మాణ సంస్థ హోంబేల్ యూట్యూబ్ ఛానెల్ నుంచి ఈ టీజర్ విడుదల కాబోతోంది. అంటే కేవలం కన్నడ భాషలోనే టీజర్ విడుదల అవ్వనున్నట్లు తెలుస్తోంది.