రివ్యూ : వైట్ టైగర్ – నెట్ ఫ్లిక్స్

ప్రియాంక చోప్రా, రాజ్ కుమార్ రావు, ఆదర్శ గౌరవ్ ప్రధాన పాత్రలలో నటించిన చిత్రం ‘వైట్ టైగర్‘. అరవింద్ అడిగా 2008లో ‘వైట్ టైగర్‘ పేరుతో రాసిన అవార్డ్ విన్నింగ్ పుస్తకం లోని కథను అదే పేరుతో చిత్రంగా రామిన్ బహ్రాని దర్శకత్వం వహించి, నిర్మించారు. నెట్ఫ్లిక్స్ ప్లాట్ఫామ్ ద్వారా ఈ చిత్రం ప్రేక్షకుల ముందుకు వచ్చింది. అద్భుతమైన ట్రైలర్తో ఎన్నో అంచనాల మధ్య విడుదలైన ఈ చిత్రం ఎలా ఉందో చూద్దాం….

కథ

బలరామ్ హల్వాయ్ (ఆదర్శ్ గౌరవ్) ఒక గ్రామంలో నివసిస్తుంటాడు. అతనిది చాలా పేద కుటుంబం. ఇక అతని కుటుంబం అప్పులు తీర్చలేక అతనిని స్కూలు కూడా మానిపించేస్తుంది. ఇంటికి సహాయంగా అతను టీ స్టాల్ లో కూడా పని చేస్తాడు. బలరామ్ కి చిన్నప్పటినుండి అతనికి చాకిరీ చేయడం అంటే పెద్దగా ఇష్టం ఉండదు కానీ తప్పనిసరి పరిస్థితుల్లో చేస్తుంటాడు. ఇలాంటి సమయంలోనే బాగా ధనికుడైన రాజ్ కుమార్ రావు ఇంటిలో పనివాడిగా చేరతాడు. ఇక టీ స్టాల్లో, మురికివాడల తను గడిపిన జీవితానికి ధనికుడి ఇంట్లో డ్రైవర్ గా ఉంటూ మంచి బట్టలు వేసుకుని… ఉన్నత జీవితానికి మధ్య తేడాను గమనిస్తాడు. ఆ తర్వాత ప్రస్తుతం అతను తన జీవితానికి అతనికి జీతం ఇచ్చే వారి జీవితానికి మధ్య తేడా కూడా క్షుణ్ణంగా పరిశీలించి నిదానంగా సమాజంలో కూడా తన గౌరవాన్ని పెంచుకోవాలని ప్రయత్నిస్తుంటాడు. ఆ ప్రయత్నంలో అతను చేసే పనులు కొన్ని తప్పుదోవ పడుతాయి. ఎలాగైనా చివరికి గొప్ప వాడు కావాలి అన్నది బలరాం ఐడియాలజీ. జీవితంలో ఉన్నత స్థాయి కి వెళ్లడానికి బలరాం ఎలాంటి పనులు చేశాడు…? ఎంత కష్టపడ్డాడు..? చివరికి వెళ్లాడా…. లేదా? అన్నది మిగిలిన కథ.

ప్లస్ లు

ఎన్నో యాంగిల్స్ లో ప్రేక్షకులను ఆలోచింపజేసే కథ

చాలా శ్రద్ధగా చిత్రీకరించిన క్యారెక్టర్లు

రియాలిటీకి దగ్గరగా ఉండే పాత్రలు

సినిమాటోగ్రఫీ

మైనస్ లు

కాంప్లెక్స్ స్క్రీన్ ప్లే

కొద్దిగా ఓవర్ అనిపించే సన్నివేశాలు

కేవలం అతికొద్ది పాత్రల మధ్య జరిగే కథనం

మధ్యలో కొద్దిగా మిస్ అయిన డీటెయిల్స్

విశ్లేషణ

‘వైట్ టైగర్‘ పుస్తకం ఆధారంగా చిత్రీకరించబడిన ఈ చిత్రంలో ఆకాష్ గౌరవ్ పోషించిన పాత్ర నిజంగా అద్భుతమనే చెప్పాలి. డిఫరెంట్ షేడ్స్ ఉన్న పాత్ర చేయడం మామూలు విషయం కాదు. రాజ్ కుమార్ రావు, ప్రియాంక చోప్రా వంటి నటీనటుల పెర్ఫార్మెన్స్ మధ్య అతని హైలెట్. ఇక ఈ సినిమాలోని కథ ఎంతో లోతుగా ఉంటుంది. మన నిజ జీవితం లో జరిగే సన్నివేశాలు పాత్రల కు చాలా దగ్గరగా ఉండేలా దర్శకుడు కథను చిత్రీకరించాడు. పేద, ధనిక, కులాలు, మతాలు, మనుషులు మధ్య అంతర్యాలు వంటి ఎన్నో సున్నితమైన అంశాలను చాలా అందంగా చూపించారు. అయితే ఫిక్షన్ సినిమా కాబట్టి కొన్ని ఎమోషన్స్ సరిగ్గా అతకనట్లు కనిపిస్తాయి. కాకపోతే నటీనటులు తమ పర్ఫార్మెన్స్ తో మాత్రం మనకి ఎక్కడా బోర్ కొట్టనివ్వరు. అక్కడక్కడా లాజిక్ మిస్ అయినప్పటికీ చివరికి వచ్చేసరికి సినిమా మంచి ఫీల్ ఇస్తుంది. ఫారెన్ సినిమాలు చూసేవారు, సందేశాత్మక చిత్రాలు నచ్చిన వారికి ఈ చిత్రం ఖచ్చితంగా చూడాల్సిందే. కమర్షియల్ కథలు ఇష్టపడే వారికి ఇది ఒక ‘ఓకే‘ సినిమా…!