Janasena : ఆంధ్రప్రదేశ్ రాష్ట్ర రాజకీయాలలో టిడిపి పతనం మొదలైన తర్వాత భారతీయ జనతా పార్టీ ఆ స్థానాన్ని కైవసం చేసుకునేందుకు చేయని ప్రయత్నం లేదు. ఇదే క్రమంలో ఏపీ రాష్ట్ర అధ్యక్షుడిగా సోము వీర్రాజు నియామకం కూడా జరిగింది. అతను పార్టీ పగ్గాలు చేపట్టిన తర్వాత పవన్ కళ్యాణ్ స్థాపించిన జనసేన పార్టీ తో పొత్తుపెట్టుకుని టిడిపిని టార్గెట్ చేయడం మొదలుపెట్టాడు.
ఇదీ బిజెపి పరిస్థితి…
అయితే ఇదే సమయంలో టిడిపి స్థానాన్ని కైవసం చేసుకునే సమయంలో బీజేపీకి ఏపీలో పరిస్థితులు అనుకూలంగా రావడం లేదు. పైగా తెలంగాణలో బిజెపి విజృంభిస్తున్న తీరు కూడా ఏపీ బీజేపీ పై ఒత్తిడి పెంచే అంశం. ఇలాంటి సమయంలో జరిగిన పంచాయతీ ఎన్నికల ఫలితాలు కూడా బిజెపికి గట్టి షాక్ ఇచ్చాయి. రాష్ట్రం మొత్తం బిజెపి బలపర్చిన క్యాండిడేట్లు నిరాశపరిచారు. దీంతో అసలు ఏపీలో బీజేపీ పరిస్థితి ఎలాంటిదో తేటతెల్లం అయింది.
Janasena : దెబ్బకు సీన్ రివర్స్
ఇక అసలు విషయానికి వస్తే…. గత కొద్ది నెలల నుండి తిరుపతి ఉప ఎన్నికకు బీజేపీ-జనసేన పొత్తు లో ఎవరి పార్టీ క్యాండిడేట్ నిలబడాలి అనే విషయం పై విస్తృత చర్చ జరుగుతోంది. రాష్ట్ర రాజకీయాల్లో కూడా దీనిపై అనేక అభిప్రాయాలు ఉన్నాయి. ఇక పంచాయతీ ఎన్నికల్లో బిజెపి మద్దతు ఉన్న అభ్యర్థులు కొన్ని సీట్లు మాత్రమే పొందగలిగారు కానీ వారు కూడా జనసేన మద్దతుతోనే గెలుపొందడం గమనార్హం. బిజెపి గెలిచిన వాటిల్లో మెజారిటీ సీట్లు కాపు కమ్యూనిటీ ఆధిపత్య ప్రాంతాలలో జనసేన మద్దతు గెలవడం జరిగింది. దీంతో తిరుపతి ఉప ఎన్నికల్లో జనసేన ఎంపీ సీట్ కి గట్టి పోటీదారు అయింది.
వాళ్ళే వద్దుంటున్నారు?
అసలు ఆ సీటు బిజెపికి ఇవ్వాలా? జనసేన కి ఇవ్వాలా? అన్న సందిగ్ధత పై పంచాయతీ ఎన్నికలు పూర్తి క్లారిటీ ఇచ్చేశాయి. జనసేన కి కూడా కచ్చితంగా తమకే ఇవ్వాలని బలమైన వాదన కు ఈ పంచాయతీ ఎన్నికలు మరింత బలం చేకూర్చాయి. పంచాయతీ ఎన్నికల్లో తమ పార్టీ పర్ఫార్మెన్స్ చూశాక బీజేపీ వర్గాలు జనసేన కు తిరుపతి ఎంపీ సీటు ఇవ్వడం సరైనదని చెబుతున్నాయి ఇక బిజెపి, జనసేన రెండు పార్టీలకు తిరుపతిలో దాదాపు గెలిచేందుకు అవకాశం లేదు కానీ జనసేన ఓట్లు బదిలీ చేయకపోతే బిజెపి డిపాజిట్ కూడా కోల్పోవచ్చు అని అంటున్నారు. అంతేకాకుండా జనసేనకు ఇవ్వకపోతే బలిజ అసోసియేషన్ వారు నోటాకి వేయాలని తీర్మానం చేయడం కూడా ఆలోచించదగ్గ విషయం.
కాబట్టి తిరుపతి ఎంపీ సీటు ని జనసేన వదిలేయడమే ఉత్తమమని బిజెపికి చెందిన ఒక వర్గం గట్టిగా చెబుతుందట. ఎన్నికల నోటిఫికేషన్ ఎప్పుడైనా రావచ్చు… ఈ లోపల ఏ విషయం అది కన్ఫర్మ్ చేస్తే బెటర్. అయితే పవన్ మాత్రం ఇలా తన దశ తిరుగుతుందని అస్సలు ఊహించి ఉండడు.