Bala krishna : తెలుగుదేశం పార్టీ నేత, హిందూపురం ఎమ్మెల్యే నందమూరి బాలకృష్ణ వైఖ‌రి విభిన్నం. రాజ‌కీయాల్లో ఆయన తీరు ఒక్కోసారి తీవ్రంగా వార్త‌ల్లో నిలుస్తుంది. ఈ టీడీపీ ఎమ్మెల్యే నందమూరి బాలకృష్ణకు కోపం వచ్చిందంటే ఆగదు. పబ్లిక్‌లో ఉన్నా ప్రైవేట్‌గా ఉన్నా.. ఆయన ప్రవర్తన ఒకేలాగా ఉంటుంది. కోపం వచ్చిందంటే.. అవతలి వ్యక్తికి ఒకటి తగిలించాల్సిందే.. ఇప్పటికే పలు సార్లు తన అభిమానులపై చేయి చేసుకున్న బాలయ్య తాజాగా హిందూపురంలో మరోసారి సీన్ రిపీట్ చేశారు. దీనిపై విప‌క్షం ఓ రేంజ్‌లో కౌంటర్ ఇచ్చింది.
Bala krishna బాలయ్య ఏం చేశారు?
మున్సిపల్ ఎన్నికల ప్రచారంలో భాగంగా తన నియోజక వర్గంలో నందమూరి బాలకృష్ణ ప్రచారం నిర్వహించారు.. ఈ సందర్భంగా ఓ అభిమానిపై తన మార్క్ కోపాన్ని చూపించారు.9వ వార్డులో ఓ ఇంట్లోకి వెళ్లి ప్రచారం చేస్తున్న సమయంలో.. అక్కడే ఉన్న అభిమాని వీడియో తీసేందుకు ప్రయత్నించాడు.. అది చూపి కోసంతో ఊగిపోయిన బాలయ్య.. అతడిపై చేయిచేసుకున్నాడు.. ఆ వీడియో, ఫొటోలను డిలీట్ చేయాలంటూ తన సెక్యూరిటీని ఆదేశించారు.
అంత‌కుముందు బాలయ్య ఏమ‌న్నారంటే..
మంత్రి కొడాలి నానిపై హిందూపురం ఎమ్మెల్యే నందమూరి బాలకృష్ణ విరుచుకుపడ్డారు. నేను తిడితే అంత బూతులు తిట్టేవారు ఉండరన్న ఆయన.. నాకు ఒక పనికాదు.. ఎన్నో పనులు ఉంటాయన్నారు. తాను చేస్తున్నది ప్రజాసేవే… విమర్శిస్తే ఊరుకోనని కౌంటర్ ఇచ్చిన ఆయన.. బసవతారకం క్యాన్సర్ ఆస్పత్రి చైర్మన్‌గా రోగులకు సేవలు అందిస్తున్నాన్నారు. సినిమాల ద్వారా ప్రజలకు వినోదం అందిస్తున్నా. నాకు సంస్కారం ఉంది… నోరు పారేసుకుంటే.. ఊరుకోను అని వార్నింగ్ ఇచ్చారు.
నాని ఏం త‌క్కువ తిన‌లేదు
బాలయ్య వ్యాఖ్యలపై మంత్రి కొడాలి నాని అదే స్థాయిలో స్పందించారు. హైదరాబాద్‌లో ఉండేవాళ్లు ప్రజా సమస్యలపై మాట్లాడితే… ప్రజలు నవ్వుకుంటారని కామెంట్ చేశారు. “బాలకృష్ణ సినిమాలు చేసుకుంటారు పాటలకు మలేషియా, ఫైట్లకు హాంకాంగ్ ఒక్కొక్క సీనుకు ఒక్కో చోటుకు వెళ్తుంటారు. ఈ రాష్ట్రంలో ఏం జరుగుతుందో ఆయనకు తెలియదు. విదేశాలు తిరుగుతూ బాలయ్య మాట్లాడుతుంటే.. ఆయన పక్కనున్న నాయకులు, కార్యకర్తలు కూడా నవ్వుకుంటారు. ఏ సీరియస్ అని ఆయన అంటుంటారు.. ఈయన చెప్పేది ఏది సీరియస్‌గా తీసుకోవాలో వారికి అర్థం కాని పరిస్థితి“ అని సెటైర్లు వేశారు. బాలకృష్ణ ఆటలో అరటి కాయలాంటి వాడు.. వాళ్ల బావ రాసిచ్చిన స్ర్కిప్టు చదువుతుంటారు.. ఆయన కామెంట్లను పట్టించుకోవాల్సిన అవసరం లేదని కొడాలి నాని అన్నారు. ఇదే సంద‌ర్భంలో సంస్కారం గురించి చెప్పే బాలకృష్ణ అభిమానులపై చేయి చేసుకోవ‌డం ఏంట‌ని మంత్రి ప్ర‌శ్నించారు.