Viral Marriage: ఎవరైనా ఒక అమ్మాయిని చూడగానే ముందుగా తన కాళ్ళను, మెడ ను పరిశీలిస్తారు ఆమెకు పెళ్లి అయిందా..! లేదా..!? అని.. ముఖ్యంగా మగవాళ్ళు.. ఆడవారికి పెళ్లి అయితే మెడలో తాళిబొట్టు.. కాళ్ళకి మెట్టెలు కనిపిస్తాయి.. అదే మగవాళ్ళకి పెళ్లి అయిందని ఎలా తెలుస్తుంది..!? అయితే మగ వారి మెడలో కూడా తాళిబొట్టు వేస్తే తప్పేంటి అంటున్నాడు శార్దూల్..!! అనడమే కాదు చేసి చూపించాడు కూడా ఈ ఫెమినిస్టు..!!
ఆకాశంలో సగం, మహిళ వివక్ష అనేది మాటలకే పరిమితం అవుతున్నాయి కానీ.. ఎన్నో ఏళ్లుగా మహిళలను చిన్నచూపు చూస్తోంది సమాజం. ముఖ్యంగా పెళ్ళి, తాళి విషయంలో ఆమెనే బాధితురాలిని చేశా మగాళ్ళకి అడుగులు వేయాలి అనే భావనను కల్పిస్తున్నారు. మహిళ మెడలో తాళి కట్టగానే పెళ్ళి తంతు ముగిసినట్టుగా భావిస్తున్నారు.. తాళిని అడ్డుపెట్టుకుని మగవాళ్ళు భార్యలపై పెత్తనం చెలాయిస్తున్నారు. అందుకే తరతరాలుగా వస్తున్న భారతీయ వివాహ సంప్రదాయాన్ని మార్చాలనుకున్నాడు.. ఈ ఫెమినిస్టు శార్దూల్ కదమ్..!!
తను నమ్మిన సిద్ధాంతాన్ని ధైర్యంగా ఆచరణలో పెట్టాడు. నాలుగేళ్లుగా ప్రేమిస్తున్న తనుజ పాటిల్ తో తన మెడలో కూడా తాళి కట్టించుకుని అందరినీ ఆశ్చర్యపరిచాడు. తల్లిదండ్రులతో పాటు పెళ్లికి వచ్చిన బంధువులు సన్నిహితులు నిర్ణయం విని నోళ్లు వెళ్ళబెట్టారు.. వరుడు వధువుకు తాళికట్టిన తర్వాత మంగళసూత్రాన్ని పోలిన ఆభరణాన్ని తనూజ శార్దుల్ కి కట్టింది.. ముంబైకి చెందిన ఈ జంట సన్నిహితుల నడుమ ఒక్కటయ్యారు. అన్నింటిలో సమానత్వాన్ని కోరుకుంటున్నప్పుడు.. తాళి అనేది భార్యాభర్తల ఇద్దరిలో ఒకరికి ఉండటం అర్థం లేనిది.. మగవారి మెడలో కూడా తాళి ఉన్నప్పుడే సమానత్వానికి అర్థం.. ఆ తాళికి గౌరవం అంటున్న శార్దూల్ ఆలోచన అందరిని ఆలోచింపచేసింది..