Bomb: బాంబ్ Bomb: కరోనా చేసిన గాయంతో ఓ యువకుడికి ఉపాధి లేక ఆదాయం కోల్పోయాడు. ఏంచేయాలో తెలీక యూట్యూబ్ వీడియోలు చూసి చేసిన పని అతనితో ఊచలు లెక్కపెట్టిస్తోంది. ఇంతకీ ఆ యువకుడు చేసిన పని.. ‘బాంబు తయారు చేయడం’. మహారాష్ట్రలోని నాగ్ పూర్ లో జరిగిందీ ఘటన. పోలీసులు తెలిపిన వివరాల ప్రకారం.. ‘నాగ్ పూర్ కు చెందిన రాహుల్ పగారే అనే 25 ఏళ్ల యువకుడు ఓ సెలూన్ షాపులో పని చేసేవాడు. తల్లిదండ్రులు ఇటివలే మరణించారు. ముగ్గురు అక్క చెల్లెళ్లకు పెళ్లిళ్లు అయ్యాయి. దీంతో రాహుల్ ఒంటరి అయ్యాడు. లాక్ డౌన్ కారణంగా ఉపాధి పోయింది. ఏం చేయాలో తెలీలేదు. చివరికి ఓ బాంబు చేయాలని సంకల్పించాడు’.
‘యూట్యూబ్ వీడియోలు చూశాడు. పనికిరాని పాత వస్తువులతో ఓ బాంబు తయారు చేశాడు. కానీ.. ఏం చేయాలో తెలీక.. బాంబు తీసుకుని నందన్ వన్ పోలీస్ స్టేషన్ కు వెళ్లాడు. తనకు బాంబు దొరికిందని చెప్పి ఓ బ్యాగ్ ఇచ్చాడు. సమీపంలోని కేడీకే కాలేజ్ వద్ద దొరికందని చెప్పాడు. ఎస్ఐ మహ్మద్ షేక్ అతను చెప్పిన మాటలు నమ్మలేదు. నిర్మానుష్య ప్రాంతంలో బాంబు దొరకడం కట్టుకథలా అనిపించింది. దీంతో తమదైన శైలిలో విచారించారు. దీంతో ఆ బాంబును యూట్యూబ్ వీడియోలు చూసి తానే తయారు చేశానని ఒప్పుకున్నాడు. ఆ బాంబు పేలుతుందని కూడా తెలిపాడు. స్పందించిన పోలీసులు వెంటనే బాంబ్ స్కాడ్ ని పిలిపించి టెస్ట్ చేయించారు’.
Read More: Lovers: 11 ఏళ్లుగా ప్రేమికుల రహస్య కాపురం..! ఒకే గదిలో.. అదే ఇంట్లో.. ఫ్యామిలీకి తెలీకుండా
‘పరిశీలించిన బృందం.. ఆ బాంబ్ లో డిటోనేటర్ గానీ.. జిలెటిన్ స్టిక్స్ కానీ లేవని తేల్చారు. ఫైర్ క్రాకర్స్ పేలడానికి ఉపయోగించే గన్ పౌడర్, పెట్రోల్ ను ఓ ప్లాస్టీక్ డబ్బాలో పెట్టాడు. పాత చైనీస్ మొబైల్ లోని బ్యాటరీని ఉపయోగించాడు. చైనా బొమ్మను లైట్ వెలిగించేందుకు ట్రై చేశాడు. ఇది పేలిపోయే బాంబ్ కాదు. తన సోదరి మొబైల్ లో వీడియోలు చూసి తయారు చేశాడు. అయినా.. పోలీసులు అప్రమత్తమై.. ఇంటిలిజెన్స్ డిపార్ట్ మెంట్ ని, స్టేట్ యాంటీ టెర్రరిస్ట్ స్క్వాడ్ ని అప్రమత్తం చేసింది. కోర్టు పగారేని రెండు రోజులు పోలీసు కస్టడీకి ఇచ్చింది. ప్రస్తుతం విచారణ జరుగుతోంది’ అని తెలిపారు.