Health Tips: చాలా మంది ఉదయం పూట టిఫెన్ గా ఏది పడితే అది తీసుకుంటుంటారు. అయితే సరైన ఆహార నియమాలు తెలుసుకోకుండా ఏదిపడితే అది బ్రేక్ ఫాస్ట్ గా తీసుకుంటే అనేక అనారోగ్య సమస్యలు వస్తాయంటున్నారు వైద్య నిపుణులు. ఉదయం పూట అల్పాహారం కోసం ప్రాసెస్ చేసిన ఆహారాన్ని తినకూడదు. ప్రాసెస్ చేసిన లేదా ప్యాక్ చేసిన ఆహారాన్ని తినడం వల్ల శరీరంలో కొవ్వు పెరుగుతుంది. ఇందులో అధిక మొత్తంలో ఉండే నూనె, సుగంధ ద్రవ్యాలు మొదలైన వాటి వల్ల ఆరోగ్యానికి చాలా హనికరం. చిప్స్, పాప్ కార్న్ వంటివి ఉదయాన్నే అసలు తీసుకోకుండా ఉండటం మంచిది. అదే విధంగా పిండి చక్కెర అధికంగా ఉండే కేకులను ఉదయం వేళ టిఫిన్ గా తీసుకోవడం అసలు మంచిదికాదు. ఈ పదార్ధాలు అన్నీ శరీరానికి హనిచేస్తాయి. టిఫెన్ గా రొట్టె, కూర లేదా పండ్లు తీసుకోవడం మేలు.
నూడుల్స్ తినడానికి రుచికరంగా ఉన్నప్పటికీ బ్రేక్ ఫాస్ట్ గా తీసుకోవద్దు. మార్కెట్ లో లభించే ఫ్రూట్ జ్యూస్ బ్రెక్ ఫాస్ట్ లో మంచి ఎంపిక అని అనుకుంటుంటారుకానీ ఇది అపోహా మాతమే అని నిపుణులు చెబుతున్నారు. ఈ జ్యూస్ లలో చక్కెర ఉంటుంది. ఇది మీ బరువును పెంచుతుంది. దీని బదులుగా ఇంట్లో తయారు చేసిన తాజా రసం తీసుకోవడం లేదా పండ్లను తీసుకోవడం మంచిది. ఉదయం బ్రేక్ ఫాస్ట్ లో వేయించిన వాటిని తినకుండా ఉండటం చాలా మంచిది. పూరి, పరోటా వంటివి కాకుండా ఉదయాన్నే బ్రెడ్, వోట్స్, పండ్లు తీసుకోవడం ఆరోగ్యానికి మంచిదని వైద్యులు చెబుతున్నారు.