Tangedu Flower: తంగేడు పూలను బతుకమ్మ తయారీలో ఉపయోగిస్తారు.. బంగారం వర్ణంలో ఉండే ఈ పూలు మన ఆరోగ్యానికి శుభ సూచికలు.. ఈ పూలలో బోలెడు ఔషధగుణాలు ఉన్నాయి. తంగేడు పూల టీ మన దీర్ఘాయువు ను పెంచుతుంది..!! ఈ టీ ఎలా తయారు చేసుకోవాలో ఇప్పుడు చూద్దాం..!!
తంగేడు పూల లో యాంటీ ఆక్సిడెంట్ సమృద్ధిగా లభిస్తాయి. ఇందులో యాంటీ ఇన్ఫ్లమేటరీ, యాంటీ వైరల్, యాంటీ సెప్టిక్ గుణాలు కలిగి ఉంది.. తంగేడు పూలను ఎండించి దంచి పొడి చేసుకోవాలి. లేదంటే నేరుగా కూడా ఈ పూలతో టీ తయారు చేసుకోవచ్చు. ఒక గ్లాస్ నీటిని తీసుకుని అందులో ఈ పూలను వేసి బాగా మరిగించాలి. తర్వాత ఆ నీటిని వడపోసుకోవాలి. అందులో ఒక చెంచా తేనె కలపాలి. అంతే తంగేడు పూల టీ రెడీ. వేడివేడిగా ఈ టీ తాగితే శరీరంలో పేరుకుపోయిన వ్యర్థాలను తొలగిస్తుంది. ఇది చక్కటి డిటాక్సిఫైయర్ డ్రింక్ గా పనిచేస్తుంది. బరువు తగ్గడానికి సహాయపడుతుంది. శరీరంలో నిల్వ ఉన్న చెడు కొలెస్ట్రాల్ ను కరిగిస్తుంది. డయాబెటిస్ ఉన్నవారు ఈ టి తాగితే రక్తంలో చక్కెర స్థాయిలను నియంత్రణలో ఉంచుతుంది.
స్త్రీలు రుతు సమయంలో ఉన్నప్పుడు ఈ టీ తయారు చేసుకుని తాగితే ఈ సమయంలో వచ్చే కడుపు నొప్పి, వికారం, అలసటను తగ్గిస్తుంది. అధిక రక్త స్రావం ను తగ్గిస్తుంది. మూత్రనాళంలో ఉన్న ఇన్ఫెక్షన్లను తొలగిస్తుంది. యూరినరీ ట్రాక్ ను శుభ్రపరుస్తుంది. ఇది పిత్త, వాత, కఫ దోషాలను తొలగిస్తుంది. ఈ టీ తాగడం వల్ల చర్మం యవ్వనంగా తయారవుతుంది. వృద్ధాప్య ఛాయలను ధరిచేరనివ్వదు.