Fertility: పెళ్లితో ముడిపడిన బంధం పిల్లలు కలగడంతో పరిపూర్ణం అవుతుందని పెద్దలు చెబుతుంటారు..!! భార్య భర్తలలో ఏ ఒక్కరిలో చిన్న లోపం ఉన్న పిల్లలు పుట్టడానికి అవకాశం ఉండదు. కానీ కొంత మందిలో ఎలాంటి లోపం లేకపోయిన గర్భం దాల్చలేక పోతున్నారు.. అందుకు తమ అలవాట్లే కారణమని ఆరోగ్య నిపుణులు చెబుతున్నారు. ఆ అలవాటు ఏంటో తెలుసుకుని సరిచేసుకుంటే పిల్లలు పుట్టే అవకాశాలు మెండుగా ఉంటాయని అంటున్నారు..!! ఆ అలవాటు ఏంటంటే..!?
కంటినిండా నిద్రపోవటం మన ఆరోగ్యానికి చాలా మంచిది. సరిగ్గా నిద్రపోకపోతే ఒత్తిడి పెరిగి, హార్మోన్లలో హెచ్చుతగ్గులు ఏర్పడి అది మీ లైంగిక జీవితం పై ప్రభావం చూపుతుంది. ముఖ్యంగా ఆడవారిలో నిద్రలేమి సమస్య ఉంటే వారిలో పునరుత్పత్తి వ్యవస్థపై తీవ్ర ప్రభావం చూపుతుంది. దాని వలన గర్భం దాల్చలేరు. సంతానం కలగకపోవడానికి రెండో అతి ముఖ్యమైన సమస్య బరువు. నిజానికి చాలా చిన్న సమస్యగా అనిపించినప్పటికీ దీని ప్రభావం ఎక్కువగా ఉంటుంది. భార్య భర్తల్లో ఏ ఒక్కరూ బరువు ఎక్కువగా ఉన్నా గర్భం దాల్చడానికి కష్టమవుతుంది. ఇక స్త్రీలలో నీటి బుడగలు వంటి సమస్యలు ఉత్పన్నమవుతాయి.
ధూమపానం, మద్యపానం అలవాట్లు ఉంటే ఇప్పటి నుంచి మానివేయడం మంచిది. సిగరెట్ తాగే మగవారిలో అంగస్తంభన లోపం ఏర్పడుతుంది అంతేకాకుండా వీర్యకణాల సంఖ్య తగ్గుతుందని ఆరోగ్య నిపుణులు చెబుతున్నారు ముఖ్యంగా స్పెర్మ్ చురుగ్గా కదలలేవు. మద్యపానం పునరుత్పత్తి వ్యవస్థ పై చెడు ప్రభావం చూపిస్తుంది. అంతేకాకుండా పిల్లలు ఆరోగ్యవంతంగా పుట్టకుండా చేస్తుంది. సెక్స్ చేసే పద్ధతులు ఆహ్లాదకరంగా, సురక్షితంగా ఉన్నప్పుడే గర్భం ధరించే అవకాశం ఉంటుంది. అలా కాకుండా అసాధారణ పద్ధతుల వల్ల గర్భం దాల్చడం పక్కన పెడితే ఎన్నో వ్యాధుల బారిన పడే అవకాశం ఉంటుంది.