Bheemla Naayak: ఫస్ట్ టైం పవన్ కళ్యాణ్ మరియు రానా కలిసి నటించిన సినిమా”బీమ్లా నాయక్”. కాగా ఈ సినిమా ప్రీ రిలీజ్ వేడుక హైదరాబాద్ లో అభిమానుల మధ్య కోలాహలంగా జరిగింది. దాదాపు రెండు సంవత్సరాల తర్వాత మళ్ళీ పవన్ సినిమా రావడంతో అభిమానులు వేడుక జరిగే గ్రౌండ్ లో భారీగా చేరుకున్నారు. పవన్ బొమ్మ కనబడితే చాలు విజిల్స్..తో.. మోత మోగించారు. ఇదిలా ఉంటే ఈ వేడుకకు ముఖ్య అతిథులుగా మంత్రి కేటీఆర్ తో పాటు తెలంగాణ సినిమాటోగ్రఫీ శాఖ మంత్రి తలసాని శ్రీనివాస్ యాదవ్ హాజరు కావడం తెలిసిందే.
ఈ సందర్భంగా పవన్ కళ్యాణ్ గురించి సినిమా ఇండస్ట్రీ గురించి మంత్రి తలసాని వైరల్ కామెంట్లు చేశారు. పవన్ కళ్యాణ్ ఇండస్ట్రీ లోకి వచ్చిన నాటి నుండి.. ఆయన క్రేజ్ రోజు రోజుకి పెరుగుతుందని చెప్పుకొచ్చారు. దీంతో ఆయన వయసు పెరుగుతుందా లేదా తగ్గుతుందో తెలియకుండా ఉందని చమత్కారంగా మాట్లాడారు. తెలుగు ఇండస్ట్రీ బాగుండాలి అన్నది తెలంగాణ ప్రభుత్వం యొక్క ఉద్దేశం అని స్పష్టం చేశారు. ఇక ఇదే సమయంలో తెలంగాణ ముఖ్యమంత్రి కేసీఆర్ భారతదేశంలో మూవీ ఇండస్ట్రీకి హైదరాబాద్ సినిమా హబ్ గా ఉండాలని కోరుకుంటున్నారని అన్నారు.
టాలీవుడ్ ఇండస్ట్రీ కి కావలసిన అన్ని విషయాల్లో తెలంగాణ ప్రభుత్వం సహకారం అందిస్తుందని పేర్కొన్నారు. ఇక ఇదే సమయంలో టికెట్ల రేట్లు మరియు ఐదో షో.. ఈ విషయంలో తమ ప్రభుత్వం పూర్తిగా సహకారం అందిస్తుందని స్పష్టం చేశారు. ఈ సినిమా సూపర్ డూపర్ హిట్ అయ్యి నిర్మాతకు మరిన్ని లాభాలు డబ్బులు తెచ్చి పెట్టాలని కోరుకుంటున్నట్లు తలసాని తెలిపారు. ఇక రచయిత త్రివిక్రమ్ కి మరియు మూవీ దర్శకుడు సాగర్ చంద్ర కి అదేవిధంగా హీరో పవన్ కళ్యాణ్ కి ప్రత్యేకమైన కృతజ్ఞతలు అని మారుమూల ఉన్న కళాకారులను తీసుకురావడంలో పవన్ కళ్యాణ్ కృషి అభినందనీయమని తలసాని పొగడ్తలతో ముంచెత్తారు.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!