Women: మనం తీసుకునే ఆహారంపైనే మన ఆరోగ్యం ఆధారపడి ఉంటుందని అందరికీ తెలిసిందే.. ముఖ్యంగా స్త్రీ ఉదయం లేచిన దగ్గర్నుంచి రాత్రి నిద్రపోయే వరకు కష్టపడుతూనే ఉంటుంది.. మరి అటువంటి మహిళలు పోషకాలతో కూడిన ఆహారాన్ని ఖచ్చితంగా తీసుకోవాల్సిందే.. స్త్రీలకు ఎటువంటి విటమిన్స్, మినరల్స్ అవసరం.. అవి ఏ ఆహారపదార్థాలలో దొరుకుతాయో ఇప్పుడు చూద్దాం..!!
ప్రోటీన్ తో కూడిన ఆహారం ప్రతి ఒక్కరికి అవసరం. ముఖ్యంగా ఆడవాళ్ళు ప్రోటీన్ ఎక్కువగా ఉండే ఆహారాలను తీసుకోవాలి. ఇది వారి రోజు వారీ శ్రమకు తగినంత శక్తిని అందించడంతో పాటు.. అనేక అనారోగ్య సమస్యలు రాకుండా అడ్డుకుంటుంది. చీజ్, గుడ్లు, సాల్మన్ ఫిష్, పన్నీర్ వాటిలో ప్రోటీన్ ఎక్కువగా ఉంటుంది. మహిళల్లో ఐరన్ లోపం ఎక్కువగా ఉంటుంది. రుతుక్రమం సమయంలో శరీరంలో రక్తం కోల్పోయే అవకాశం ఎక్కువగా ఉంటుంది. డెలివరీ అయినప్పుడు కూడా స్త్రీ లలో అధికంగా రక్తం పోతుంది. ఐరన్ లోపం తలెత్తకుండా అవి ఎక్కువగా లభించే ఆహారాలను తరచూ తీసుకుంటూ ఉండాలి. బచ్చలికూర, టోపు, బీన్స్, నట్స్, సీ ఫుడ్స్, చికెన్ డైట్ లో భాగం చేసుకోవాలి.
మెగ్నీషియం నరాలు, కండరాలు సక్రమంగా పని చేయడానికి సహాయపడుతుంది. గర్భధారణ కు దారి తీసే పోషకలలో మెగ్నీషియం కూడా ఒకటి. చిరుధాన్యాలు, డార్క్ చాక్లెట్, గుమ్మడి గింజలు, వాల్ నట్స్, బచ్చలి కూర లో మెగ్నీషియం సమృద్ధిగా లభిస్తుంది. కాల్షియం లోపం స్త్రీలలో ఎక్కువగా ఉంటుంది. దాంతో వెన్నునొప్పి, నడుం నొప్పి, కాలు నొప్పి, కీళ్ల నొప్పులు బాధిస్తూ ఉంటాయి. పాలు, పెరుగు, వెన్న, జున్ను, చీజ్, పన్నీర్, పాల పదార్థలు, సోయాబీన్స్ ఉత్పత్తులు లో క్యాల్షియం అధికంగా ఉంటుంది. తరచుగా వీటిని తీసుకుంటూ ఉండాలి. కాల్షియం, ఐరన్, మెగ్నీషియం, ప్రొటీన్ మహిళల డైట్ లో కచ్చితంగా ఉండాలి.