Janasena TDP: ఆంధ్రప్రదేశ్ లో ఇప్పట్లో ఎన్నికలు లేకపోయినా రాజకీయ వాతావరణం మాత్రం వేడెక్కింది. రాజకీయ పార్టీలకు సంబంధించి పొత్తుల అంశం రాష్ట్రంలో హాట్ టాపిక్ గా ఉంది. జనసేన – తెలుగుదేశం పార్టీల మధ్య పొత్తు విషయంపై రకరకాల ప్రచారాలు..! రకరకాల ఊహాగానాలు..! సోషల్ మీడియాలో చర్చలు సాగుతున్నాయి. నిజానికి జనసేన – టీడీపీ పొత్తు పెట్టుకుంటాయా..? లేదా అనే అంశంపై దాదాపు ఏడు నెలల క్రితమే “న్యూస్ ఆర్బిట్” ఓ ప్రత్యేక కథనాన్ని ఇవ్వడం జరిగింది. పలు అవగాహనలతో పొత్తు ఉంటుంది అని అప్పట్లోనే విశ్లేషణ ఇవ్వడం జరిగింది. ఇటీవల జనసేన ఆవిర్భావ దినోత్సవ సభలో పవన్ కళ్యాణ్ మాట్లాడుతున్న సందర్భంలో జనసేన కార్యకర్తలు, నాయకులు, అభిమానులు ఆసక్తిగా గమనించారు.
Read More: TDP Janasena: మాట పొదుపు .. పొత్తు పొడుపు..! 45 సీట్లలో రాజకీయ కుదుపు..!!
Janasena TDP: ఎవరికి ఎన్ని సీట్లు..?
అయితే పవన్ కళ్యాణ్ తన ప్రసంగం చివరలో వైసీపీ వ్యతిరేక ఓట్లు చీల్చనివ్వము అంటూ పొత్తులకు సంబంధించి పరోక్షంగా ఒక అప్ డేట్ ఇచ్చారు. దీంతో టీడీపీతో పొత్తు ఉండబోతున్నది అని జనసేనలోనూ ఒక అభిప్రాయానికి వచ్చేశారు. అప్పటి వరకూ టీడీపీ పొత్తు అవసరం లేదు. మా ఓటింగ్ శాతం పెరిగింది. మేము అన్ని సీట్లు గెలుస్తాం, ఇన్ని సీట్లు గెలిచేస్తాం అనే లెక్కల్లో జనసైనికులు ఉన్నారు. అయితే ఆ పార్టీ అంతర్గత లెక్కలు వేరు. నాయకుల లెక్కలు వేరు. కార్యకర్తలు, పిల్లల లెక్కలు వేరు. ఇప్పుడు టీడీపీ పొత్తు ఉంటుంది అని తెలిసిన తరువాత అటు టీడీపీలో ఇటు జనసేనలో ఎవరికి ఎన్ని సీట్లు అన్న లెక్కలు మొదలైయ్యాయి.
జనసేనకు 24 -25 కు టీడీపీ ఒకే..!
టీడీపీ ముఖ్య నేతల్లో జనసేనకు ఇచ్చే సీట్లపై ఒక చర్చ జరుగుతోంది. జనసేనకు ఏయే జిల్లాల్లో ఎన్ని సీట్లు ఇవ్వాలి..? మినిమం ఎన్ని ఇవ్వాలి..? మ్యాగ్జిమమ్ ఎన్ని సీట్లు ఇవ్వాలి..? అంతకంటే వాళ్లు ఎక్కువ సీట్లు కోరుకుంటే ఏమి చేయాలి..? అనే చర్చ జరుగుతోంది. పార్టీ అంతర్గత సమాచారం ప్రకారం జనసేనకు 24 లేదా 25 సీట్లు ఇవ్వడానికి సిద్ధంగా ఉన్నట్లు తెలుస్తోంది. జనసేన అన్ని సీట్లకు ఒప్పుకుంటుందా..? లేక 40 – 50 సీట్లు కావాలని అడుగుతుందా..? లేదా అనేది వేరే విషయం. టీడీపీ లెక్క ప్రకారం ఉత్తరాంధ్ర ప్రాంతం నుండి 4 లేదా 5 సీట్లు, ఉభయ గోదావరి జిల్లాల నుండి 10 నుండి 15 వరకు, కృష్ణా, గుంటూరు జిల్లాల్లో 3 లేదా 4 సీట్లు, రాయలసీమ జిల్లాల నుండి రెండు, ప్రకాశం జిల్లా నుండి ఒకటి చొప్పున ఇవ్వాలనేది టీడీపీ లెక్క. టీడీపీలో కీలక నేతలు ఈ లెక్కకు కమిట్ అయి ఉన్నారు.
Janasena TDP: ఎవరి లెక్కల్లో వాళ్లు
ఎంపీ సీట్ల విషయానికి వస్తే మూడు వరకూ ఇవ్వడానికి టీడీపీ సముఖంగా ఉన్నట్లు సమాచారం. కానీ జనసేన పార్టీ వేరే అంచనాల్లో ఉంది. జనసేన పార్టీ మాత్రం 35 నుండి 45 సీట్లు తీసుకోవాలన్న లెక్కల్లో ఉంది. సో..ఇది అంత ఈజీగా తెమిలే విషయం కాదు. అయితే జనసేన పార్టీయే కొద్దిగా తగ్గుతుంది అన్న అభిప్రాయం టీడీపీలో ఉంది. ఎందుకంటే టీడీపీతో పొత్తు లేకపోతే గత ఫలితాల మాదిరిగానే జనసేన అధినేత పవన్ కళ్యాణ్ కూడా గెలవరు అన్న అభిప్రాయంలో టీడీపీ ఉంది. మరో పక్క మాతో పొత్తు పెట్టుకోకపోతే టీడీపీ అదికారంలోకి రాదు, వాళ్లు సీఎం అవ్వలేరు అన్న అభిప్రాయంలో జనసేన ఉంది. కాబట్టి వాళ్లే చచ్చినట్లు మేము అడిగినన్ని స్థానాలు ఇస్తారు అన్న లెక్కల్లో జనసేన ఉంది. సో.. ఈ రెండు పార్టీలు ఎవరి లెక్కల్లో వాళ్లు ఉన్నారు.