Salaar: నేష‌న‌ల్ స్టార్ ప్రభాస్, క‌న్న‌డ ద‌ర్శ‌కుడు ప్ర‌శాంత్ నీల్ కాంబినేష‌న్‌లో రూపొందుతున్న తాజా చిత్రం `సలార్`. హాంబలే ఫిలిమ్స్ బ్యాన‌ర్‌పై విజయ కిరాగందుర్ ఈ సినిమాని నిర్మిస్తున్నారు. ఇందులో శ్రుతి హాస‌న్ హీరోయిన్‌గా మెర‌వ‌బోతోంది. అలాగే మ‌రో ముఖ్య పాత్ర‌లో సీనియ‌ర్ హీరో జ‌గ‌ప‌తిబాబు క‌నిపించ‌బోతున్నారు.
భారీ బ‌డ్జెట్‌తో పాన్ ఇండియా లెవ‌ల్‌లో రూపుదిద్దుకున్న ఈ సినిమా.. ఇప్ప‌టికే కొంత షూటింగ్‌ను పూర్తి చేసుకుంది. అయితే భారీ అంచ‌నాలు ఉన్న ఈ మూవీ గురించి ఓ టాక్ జోరుగా వినిపిస్తోంది. అదేంటంటే..ప్ర‌శాంత్ నీల్ ద‌ర్శ‌క‌త్వం వ‌హించిన తొలి క‌న్న‌డ చిత్రం `ఉగ్ర‌మ్`కు సీక్వెల్‌గా `సలార్` రాబోతోందంటూ గ‌త కొద్ది రోజుల నుంచీ వార్త‌లు వ‌స్తున్నాయి.
ఈ వార్త‌ల‌పై తాజాగా ప్ర‌శాంత్ నీల్ ఫుల్ క్లారిటీ ఇచ్చారు. ప్ర‌స్తుతం ఆయ‌న `కేజీఎఫ్ చాప్ట‌ర్ 2` ప్ర‌మోష‌న్స్‌లో బిజీ బిజీగా గ‌డుపుతున్న సంగ‌తి తెలిసిందే. ఈ నేప‌థ్యంలోనే ఓ ఇంట‌ర్వ్యూలో పాల్గొన్న ప్ర‌శాంత్ నీల్.. స‌లార్‌పై ఆస‌క్తిక వ్యాఖ్య‌లు చేశారు. `నేను తీసిన, తీయ‌బోయే ప్ర‌తీ సినిమాలో ఉగ్ర‌మ్ మూవీ షేడ్స్ కొంత క‌నిపిస్తుంటాయి. అది నా స్టైల్‌. కానీ సలార్ తాజా క‌థ. ఇది ఉగ్ర‌మ్‌కు రీమేక్ కాదు.
ఏ ప్రాంచైజీతో సంబంధంలేని ఫ్రెష్ స్టోరీతో స‌లార్‌ను రూపొందిస్తున్నాము. ఇందులో ప్రభాస్ గ‌తంలో ఎన్న‌డూ క‌నిపించ‌ని డిఫ‌రెంట్ పాత్ర‌లో క‌నిపించ‌బోతున్నాడు` అంటూ ప్ర‌శాంత్ నీల్ చెప్పుకొచ్చారు. ఈయ‌న వ్యాఖ్య‌ల‌తో సినిమాపై మ‌రిన్ని అంచ‌నాలు పెరిగాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!