Drugs Case: డ్రగ్స్ కేసులో అరెస్టు అయిన బాలీవుడ్ నటుడు సిద్ధార్ద్ కపూర్ బెయిల్ పై విడుదల అయ్యారు. సిద్ధార్ధతో పాటు అరెస్టు అయిన మరో నలుగురికి కూడా బెయిల్ మంజూరైనట్లు బెంగళూరు పోలీసులు తెలిపారు. అయితే పోలీసులు ఎప్పుడు పిలిచినా వారు విచారణ కు తప్పకుండా హజరుకావాలని తూర్పు బెంగళూరు డిప్యూటి కమిషనర్ భీమాశంకర్ వెల్లడించారు.
- Read the latest news in Telugu from AP and Telangana’s most trusted news website.
- Follow us on facebook , Twitter , instagram and Googlenews
బెంగళూరులోని ఒ హోటల్ లో ఆదివారం రాత్రి రేవ్ పార్టీ జరుగుతుండగా పోలీసులు దాడి చేసి 35 మందిని అదుపులోకి తీసుకున్న సంగతి తెలిసిందే. అనంతరం వీరికి వైద్య పరీక్షలు నిర్వహించగా అందులో సిద్ధార్ధ కపూర్ సహా అయిదుగురు డ్రగ్స్ తీసుకున్నట్లు వెల్లడైంది. దీంతో వీరిని పోలీసులు అరెస్టు చేశారు. అయితే వీరు హోటల్ లోనే డ్రగ్స్ తీసుకున్నారా లేక డ్రగ్స్ తీసుకున్న తరువాత హోటల్ కు వచ్చారా అనే దానిపై స్పష్టత లేకపోవడంతో దానిపై దర్యాప్తు చేస్తున్నారు. అయితే సోమవారం సిద్ధార్థ సహా అయిదుగురిని కోర్టులో హజరుపర్చగా అర్ధరాత్రి దాటిన తరువాత వారు బెయిల్ ప విడుదల అయినట్లు పోలీసులు తెలిపారు.
ప్రముఖ బాలీవుడ్ నటుడు శక్తి కపూర్ తనయుడైన సిద్ధార్థ కపూర్ పలు హిందీ సినిమాల్లో నటించారు. సిద్ధార్థ కపూర్ సోదరి శ్రద్దా కపూర్ కూడా బాలీవుడ్ లో మంచి గుర్తింపు సాధించారు. సిద్ధార్ధ కపూర్ డ్రగ్స్ కేసులో అరెస్టు కావడంతో ఇండస్ట్రీ వర్గాల్లో హాట్ టాపిక్ అయ్యింది.