Verri Puchha: ఎందుకు పనికిరావు అనుకునే కలుపుమొక్కలు, పిచ్చి చెట్లలో కూడా ఎన్నో రకాల ఔషధ గుణాలు ఉన్నాయని పెద్దలు చెబుతూ ఉంటారు.. అటువంటివాటిలో వెర్రీ పుచ్చ చెట్టు కూడా ఒకటి.. దీనినే పిచ్చి పుచ్చ, చేదు పుచ్చ, పెద్ద పాపర, చిన్న పాపర అని రకరకాలుగా పిలుస్తారు.. ఈ చెట్టులో ఉండే ఔషధ గుణాలు గురించి, ఈ చెట్టు వలన కలిగే ఆరోగ్య ప్రయోజనాలు గురించి తెలుసుకుందాం..!
వెర్రి పుచ్చ చెట్టు చేదుగా అమితమైన వేడిని కలిగించే గుణాన్ని కలిగి ఉంటుంది. దీనిని ఎక్కువ మోతాదులో తింటే విరేచనాలు కూడా అవుతాయి. ఈ చెట్టుకు విషాన్ని హరించే శక్తి ఉంది. తేలు కాటు కి ఈ చెట్టు చిన్న ముక్క నమిలి తింటే క్షణాల్లో విషాన్ని విరిచేస్తుంది. తేలు కాటు వలన కలిగే నొప్పి, బాధ తగ్గుతుంది. ఈ చెట్టు ఆకులను ఆముదంలో కానీ నెయ్యిలో కానీ వేయించి వాటిని పుండ్లు, గాయాలు ఉన్నచోట ఉంచితే తగ్గిపోతాయి. పిప్పి పన్ను నొప్పితో బాధ పడుతుంటే ఈ చెట్టు వేరు పొడిని దంతాలపై ఉంచితే నొప్పి తగ్గిపోతుంది.
ఈ చెట్టు వేరును, దేవదారు చెక్క ను కలిపి అరగదీసి ఆ గంధాన్ని గొంతుకు లేపనంగా రాయడం వల్ల గొంతు గడ్డలు తగ్గిపోతాయి. వెర్రి పుచ్చ చెట్టు వేర్లను పొడిగా చేసుకోవలి. ఒక గ్రాము పొడిలో అర టీ స్పూన్ తేనె, ఒక టీస్పూన్ పటికబెల్లం పొడిని కలిపి ప్రతిరోజూ పరగడుపున రాత్రి భోజనానికి ముందు తింటుంటే.. స్త్రీలలో నెలసరి సమయంలో వచ్చే నొప్పులు తగ్గిపోతాయి. రుతు క్రమ సమస్యలను నివారిస్తుంది. వెర్రి పుచ్చ చెట్టు వేరు పొడి 50 గ్రాములు, పిప్పళ్ళ పొడి 50 గ్రాములు, పాత బెల్లం 100 గ్రాములు కలిపి చిన్న చిన్న బటాని సైజులో ఉండలుగా చేసుకోవాలి. ప్రతిరోజు ఒక ఉండ తింటుంటే కీళ్ల నొప్పులు తగ్గిపోతాయి..