Suriya: సంచలనం ఆస్కార్ కమిటీలో… హీరో సూర్యకి స్థానం..!!

Suriya: తమిళ నటుడు హీరో సూర్య(Suriya)గురించి ప్రత్యేకంగా చెప్పనవసరం లేదు. దక్షిణాది సినీ ప్రేమికులకి హీరో సూర్య సుపరిచితుడే. వైవిధ్యమైన పాత్రలు చేస్తూ.. ప్రతి సినిమాకి సరికొత్త ప్రయోగాలు చేస్తూ.. ప్రేక్షకులను ఇట్టే ఆకట్టుకుంటాడు. ఎటువంటి పాత్రలోనైనా పరకాయప్రవేశం చేసి.. వెండితెరపై.. రక్తికట్టించే హీరో. తాజాగా ప్రపంచంలోనే సినిమా రంగానికి సంబంధించిన అత్యుత్తమైన పురస్కారం ఆస్కార్ కమిటీకి(Oscar Commitee) సౌత్ ఇండియా నుండి ఏకైక నటుడిగా ఎన్నికవ్వటం జరిగిందంట.

• Read the latest news in Telugu from AP and Telangana’s most trusted news website.
• Follow us on facebook , Twitter , instagram and Googlenews

2022 ఆస్కార్ పురస్కార కమిటీ(2022 Oscar Commitee) సభ్యులలో ఉండేందుకు అవకాశం లభించింది. ప్రపంచ చలనచిత్ర రంగంలో ప్రతిష్టాత్మకంగా భావించే ఈ ఆస్కార్ అవార్డుల ప్రధానోత్సవం ఆర్గనైజింగ్ కి సంబంధించి ప్రపంచవ్యాప్తంగా 397 మంది ప్రముఖులకు ఆహ్వానాలు అందాయి. వీరిలో దక్షిణాది సినిమా రంగానికి సంబంధించి సూర్య ఎంపిక కాగా బాలీవుడ్(Bollywood) నుండి కాజోల్(Kajol) సెలెక్ట్ కావడం జరిగింది. తమిళ సినిమా రంగంలో ఇటువంటి అత్యుత్తమైన గౌరవం దక్కటం ఇదే ఫస్ట్ టైం. దీంతో ఈ వార్త సౌత్ ఫిలిం ఇండస్ట్రీలో చర్చనీయాంశంగా మారింది.

ఇదిలా ఉంటే గత ఏడాది ఆస్కార్ రేసులో సూర్య నటించిన జై భీమ్(Jai Bhim), ఆకాశం నీ హద్దురా(Akasam Nee Haaddura) రెండు సినిమాలు రేసులో ఉండటం తెలిసింది. ఉత్తమ ప్రాంతీయ చిత్రాల విభాగంలో ఆస్కార్ వేదికగా పోటీలో నిలిచిన ఈ రెండు సినిమాలు.. అవార్డులను అందుకోలేకపోయాయి. ఆ టైంలో సూర్య అభిమానులు కొద్దిగా నిరాశ చెందక ఇప్పుడు ఏకంగా ఆస్కార్ అకాడమీ ఆర్గనైజింగ్ కమిటీ సభ్యుడిగా ఎన్నిక కావాలని ఆహ్వానం అందడంతో ఈ వార్త తెలుసుకుని సూర్య ఫ్యాన్స్ ఫుల్ హ్యాపీగా ఉన్నారు.