Chiranjeevi: మెగా స్టార్ చిరంజీవి పేరు మార్చుకున్నారు. ఇప్పుడీ విషయమే అభిమానులను ఆశ్చర్యపరుస్తోంది. పూర్తి వివరాల్లోకి వెళ్తే.. చిరంజీవి చేతిలో ఉన్న ప్రాజెక్ట్స్ లో `గాడ్ ఫాదర్` ఒకటి. మలయాళంలో హిట్టైన `లూసిఫర్`కు ఇది రీమేక్. మోహన్ రాజా దర్శకత్వం వహిస్తున్న ఈ చిత్రంలో సల్మాన్ ఖాన్, నయనతార, సత్యదేవ్, సునీల్, అనసూయ తదితరులు కీలక పాత్రలను పోషిస్తున్నారు.
కొణిదెల సురేఖ సమర్పణలో సూపర్ గుడ్ ఫిల్మ్స్, కొణిదెల ప్రొడక్షన్స్ బ్యానర్లపై ఆర్. బి.చౌదరి, ఎన్వీ ప్రసాద్ నిర్మిస్తున్నారు. శరవేగంగా షూటింగ్ జరుపుకుంటున్న ఈ పొలిటికల్ థ్రిల్లర్ దసరాకు విడుదల అయ్యే అవకాశాలు ఉన్నాయి. ఇదిలా ఉంటే.. నిన్న ఈ సినిమా నుండి చిరంజీవి ఫస్ట్ లుక్ పోస్టర్తో పాటు చిన్నిపాటి వీడియోను విడుదల చేసిన విషయం తెలిసిందే.
- Read the latest news from NEWSORBIT
- Follow us on facebook , Twitter , instagram and Googlenews
ప్రస్తుతం ఈ వీడియో నెట్టింట తెగ ట్రెండ్ అవుతోంది. అయితే ఈ వీడియోలో బాగా గమనించినట్లైతే చిరు పేరులో స్వల్ప మార్పు కనిపిస్తుంది. వాస్తవానికి ఇప్పటి వరకు ఇంగ్లీషులో చిరంజీవి పేరు `CHIRANJEEVI` అని ఉండేది. అయితే గాడ్ ఫాదర్ వీడియోలో మాత్రం మరో `E` జతచేసి… `CHIRANJEEEVI` అని స్క్రీన్పై వేశారు.
దీంతో చిరు పేరు మార్చుకున్న విషయం బయటకొచ్చింది. అంతేకాదు, ఒక న్యూమరాలజిస్ట్ సలహా ఇవ్వడం కారణంగానే చిరు ఈ మార్పు చేసుకున్నారంటూ టాక్ నడుస్తోంది. ఇక అదే సమయంలో మరో వాదన కూడా వినిపిస్తోంది. చిరంజీవి పేరులో మార్పు చేసుకోలేదని.. వీడియో ఎడిటింగ్ చేసేటప్పుడు పొరపాటు జరిగిందనేది సదరు వాదన సారంశం. మరి ఏదో నిజమో త్వరలోనే తెలియనుంది.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!