టాలీవుడ్ టాలెంటెడ్ హీరో శర్వానంద్ నుంచి వచ్చిన తాజా చిత్రం `ఒకే ఒక జీవితం`. టైమ్ ట్రావెల్ కాన్సెప్ట్ తో మదర్ సెంటిమెంట్ నేపథ్యంలో రూపుదిద్దుకున్న ఎమోషనల్ డ్రామా ఇది. ఇందులో రీతూ వర్మ హీరోయిన్గా నటిస్తే.. అమల అక్కినేని, నాజర్, వెన్నెల కిషోర్, ప్రియదర్శి తదితరులు కీలక పాత్రలను పోషించారు.
శ్రీ కార్తిక్ దర్శకత్వంలో రూపుదిద్దుకున్న ఈ చిత్రం సెప్టెంబర్ 9న విడుదలై మంచి స్పందన దక్కించుకుంది. అయితే టాక్ బాగున్నా.. పోటీగా బ్రహ్మాస్త్ర ఉండటం, వరుస ఫ్లాపులతో శర్వా ఫామ్ లో లేకపోవడం వల్ల తొలి రోజు ఈ చిత్రం అనుకున్న స్థాయిలో వసూళ్లను రాబట్టలేకపోయింది. అయితే పాజిటివ్ టాక్ స్ప్రెడ్ అవ్వడంతో.. 2వ రోజు శర్వా అదరగొట్టేశాడు.
తొలి రోజు తెలుగు రాష్ట్రాల్లో రూ. 75 లక్షల షేర్ను వసూల్ చేసిన ఈ చిత్రం.. రెండో రోజు రూ. 1.10 కోట్ల రేంజ్ లో షేర్ ని సొంతం చేసుకుంది. అలాగే వరల్డ్ వైడ్ గా రూ. 1.55 కోట్ల రేంజ్ లో షేర్ ను దక్కించుకుంది. ఇక ఏరియాల వారీగా `ఒకే ఒక జీవితం` 2 డేస్ టోటల్ కలెక్షన్స్ ను ఓసారి గమనిస్తే..
నైజాం: 97 లక్షలు
సీడెడ్: 14 లక్షలు
ఉత్తరాంధ్ర: 18 లక్షలు
తూర్పు: 13 లక్షలు
పశ్చిమ: 10 లక్షలు
గుంటూరు: 14 లక్షలు
కృష్ణ: 11 లక్షలు
నెల్లూరు: 8 లక్షలు
————————————–
ఏపీ+తెలంగాణ మొత్తం= 1.85 కోట్లు(3.15కోట్లు~ గ్రాస్)
————————————–
కర్ణాటక+తమిళ్+రెస్టాఫ్ ఇండియా: 25 లక్షలు
ఓవర్సీస్: 75 లక్షలు
——————————————–
టోటల్ వరల్డ్ వైడ్= 2.85 కోట్లు(5.45కోట్లు~ గ్రాస్)
——————————————–
కాగా, రూ. 8 కోట్ల బ్రేక్ ఈవెన్ టార్గెట్ తో బరిలోకి దిగిన ఈ చిత్రం.. బాక్సాఫీస్ వద్ద క్లీన్ హిట్ అవ్వాలంటే మొదటి రెండు రోజులు వచ్చిన కలెక్షన్స్ కాకుండా ఇంకా రూ.5.15 కోట్ల షేర్ ని అందుకోవాల్సి ఉంటుంది. వసూళ్ల జోరు చూస్తుంటే శర్వా సులభంగా ఈ టార్గెట్ను అందుకుంటాడని సినీ ప్రియులు అభిప్రాయపడుతున్నారు.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!