టాలీవుడ్ రౌడీ బాయ్ విజయ్ దేవరకొండ, నేషనల్ క్రష్ రష్మిక మందన్నా.. ఈ జోడీకి ఉన్న క్రేజ్ గురించి ప్రత్యేకంగా వివరించి చెప్పక్కర్లేదు. వీరిద్దరూ కలిసి మొదట `గీతగోవిందం` సినిమాలో నటించారు. ఈ చిత్రం బ్లాక్ బస్టర్ హిట్ అవడంతో.. ఆ తర్వాత మళ్లీ `డియర్ కామ్రేడ్` లో స్క్రీన్ షేర్ చేసుకున్నారు.
అయితే ఈ సినిమా ఆశించిన స్థాయిలో ఆకట్టుకోలేకపోయినా.. విజయ్-రష్మిక జోడీకి ప్రేక్షకులు ఫిదా అయిపోయారు. ఆ తర్వాత విజయ్ రష్మిక కలిసి సినిమాలు చేయకపోయినా.. వీరిద్దరిపై రకరకాల వార్తలు తెరపైకి వచ్చాయి. ముఖ్యంగా వీరిద్దరూ డేటింగ్ చేస్తున్నారని.. త్వరలోనే పెళ్లి పీటలు కూడా ఎక్కడం ఖాయమంటూ జోరుగా ప్రచారం జరిగింది.
అటు విజయ్, ఇటు రష్మిక ఖండించినా ఈ ప్రచారం ఆగ‌లేదు. ఇక తాజాగా మరోసారి వీరిద్ద‌రి లవ్ టాపిక్ హాట్ టాపిక్ గా మారింది. ఇందుకో కారణం లేకపోలేదు.. తాజాగా విజయ్ దేవరకొండ రష్మిక వెకేషన్ కోసం మాల్దీవ్స్ చెక్కేశార‌ట. ఎయిర్ పోర్ట్‌ కు విజయ్ వ‌చ్చిన కాసేపటికే రష్మిక కూడా నవ్వుతూ లోపలికి వెళ్ళింది.
ఇందుకు సంబంధించిన పిక్స్ సోష‌ల్ మీడియాలో వైరల్ అయ్యాయి. అయితే వీరిద్దరూ కలిసే మాల్దీవ్స్ కు వెళ్లారని అంటున్నారు. దీంతో విజయ్ రష్మిక‌ల ప్రేమ వార్తలు మళ్లీ స్టార్ట్ అయ్యాయి. మరి ఈ వార్తల‌పై వారిద్ద‌రూ ఎలా స్పందిస్తారో చూడాలి.
https://twitter.com/AtmakuriRevanth/status/1578269223947620352?s=20&t=yehTYyj5esIwktqgLYuiHw