స‌మంత ఫ్యాన్స్‌కి గుడ్‌న్యూస్‌.. `యశోద` ట్రైల‌ర్ వ‌చ్చేస్తుందోచ్‌!

ప్రముఖ స్టార్ హీరోయిన్ సమంత ప్ర‌స్తుతం చేస్తున్న పాన్ ఇండియా ప్రాజెక్ట్స్‌లో `యశోద` ఒకటి. శ్రీదేవి మూవీస్ బ్యానర్ పై శివలెంక కృష్ణప్రసాద్ నిర్మిస్తున్న ఈ చిత్రానికి హరి-హరీష్ ద్వయం దర్శకత్వం వహిస్తున్నారు. ఇందులో వరలక్ష్మి శరత్ కుమార్, ఉన్ని ముకుంద‌న్‌, రావు రమేశ్, మురళీ శర్మ, సంపత్ రాజ్, శత్రు తదితరులు కీలక పాత్రలను పోషించారు.

ఇప్ప‌టికే షూటింగ్ ను కంప్లీట్ చేసుకుని పోస్ట్ ప్రొడెక్ష‌న్ ప‌నుల‌ను జ‌రుపుకుంటున్న ఈ క్రైమ్‌ థ్రిల్లర్ నవంబర్ 11న తెలుగు తో పాటు తమిళ్‌, హిందీ, కన్నడ, మలయాళ భాషలో గ్రాండ్ రిలీజ్ కానుంది. అయితే నేడు దీపావ‌ళి పండుగ సంద‌ర్భంగా ఈ సినిమా నుంచి స‌మంత ఫ్యాన్స్ ఖుషీ అయ్యే గుడ్ న్యూస్ ఒక‌టి బ‌య‌ట‌కు వ‌చ్చింది.

ఈ న్యూస్ మ‌రేంటో కాదు.. `యశోద` ట్రైల‌ర్ అప్డేట్‌. అవును, ఈ సినిమా ట్రైల‌ర్ వ‌చ్చేస్తుంది. `యశోద‌ ఎవరో తెలుసా` అంటూ ఈ నెల 27 న యశోద‌ ట్రైలర్ ను విడుదల చేస్తున్నట్టు ప్రకటించారు. ఈ మేరకు చిత్ర టీమ్ ఓ ప్రోమోను వదిలారు. ఈ ప్రోమో ట్రైల‌ర్ పై మంచి అంచ‌నాల‌ను క్రియేట్ చేసింది.

కాగా, ఈ చిత్రంలో స‌మంత ప్రెగ్నెంట్ లేడీ గా కనిపించబోతోంది. ఆమె పాత్ర ఎంతో ఛాలెంజ్‌గా ఉండ‌బోతోంద‌ట‌. చైతూ తో విడాకుల తర్వాత సమంత నుంచి రాబోతున్న తొలి చిత్ర‌మిది. దీంతో ఈ సినిమాపై భారీ అంచ‌నాలు నెల‌కొన్నాయి.

I’ll be seeing you ♥️ #YashodaTrailer on 27th Oct @ 5.36 PM💥#YashodaTheMovie @varusarath5 @Iamunnimukundan @harishankaroffi @hareeshnarayan #Manisharma @krishnasivalenk @SrideviMovieOff @PulagamOfficial pic.twitter.com/TCrIaR7thj

— Samantha (@Samanthaprabhu2) October 24, 2022