Chalapathi Rao: ఈనెల డిసెంబర్ 23వ తారీకు నవరాస నటసార్వభౌముడు కైకాల సత్యనారాయణ మరణించడం తెలిసిందే. నిన్న ప్రభుత్వ అధికార లాంఛనాలతో కైకాల సత్యనారాయణ అంత్యక్రియలు జరిగాయి. కైకాల సత్యనారాయణ మరణం మరువకముందే ఈరోజు సీనియర్ నటుడు చలపతిరావు ఉదయం గుండెపోటుకు గురై తుది శ్వాస విడిచారు. దీంతో ఇండస్ట్రీలో విషాదఛాయలు అమ్ముకున్నాయి. చలపతిరావు మరణం పట్ల ఇండస్ట్రీ పెద్దలు మరియు ప్రముఖులు సంతాపం వ్యక్తం చేస్తున్నారు.
సీనియర్ నటుడు చలపతిరావు స్వస్థలం.. కృష్ణాజిల్లా పామూరు మండలంలోని బలిపోరు. ఆయనకు ఇద్దరు కుమార్తెలు ఒక అబ్బాయి. ఆడపిల్లలు ఇద్దరూ కూడా అమెరికాలో ఉంటూ ఉన్నారు. చలపతిరావు అబ్బాయి పేరు రవిబాబు. రవిబాబు అందరికీ సుపరిచితుడే. ఇండస్ట్రీలో విలన్ పాత్రలు చేయడం మాత్రమే కాదు కొన్ని వైవిధ్యమైన పాత్రలు చేసి.. ప్రస్తుతం దర్శకుడిగా మరియు నిర్మాతగా ఇండస్ట్రీలో రాణిస్తున్నారు. చలపతిరావు దాదాపు 1200కు పైగానే సినిమాలు చేయడం జరిగింది. కెరియర్ ప్రారంభంలో అనేకమైన విలన్ పాత్రలు చేశారు. ఆ తరువాత.. తండ్రిగా ఇంకా క్యారెక్టర్ ఆర్టిస్ట్ గా కెరియర్ కొనసాగించి ప్రేక్షకులను తన నటనతో మెప్పించారు.
ఈ క్రమంలో ఆయన మరణించడంతో ఇండస్ట్రీలో చాలామంది సంతాపం వ్యక్తం చేస్తున్నారు. ఈ ఏడాదిలో టాలీవుడ్ ఇండస్ట్రీలో చాలామంది ప్రముఖ నటులు మరణించడం జరిగింది. సెప్టెంబర్ నెలలో సీనియర్ రెబల్ స్టార్ కృష్ణంరాజు, నవంబర్ నెలలో సూపర్ స్టార్ కృష్ణ ఈనెల 23 వ తారీకు కైకాల సత్యనారాయణ మరణించారు. ఈ క్రమంలో ఈరోజు ఉదయం సీనియర్ నటుడు చలపతిరావు గుండెపోటుతో మరణించడం జరిగింది. చలపతిరావు దాదాపు కొన్ని సంవత్సరాలు నుండి నటనకు దూరంగా ఉంటున్నారు. దీంతో ఆయన మృతి పట్ల సినీ ప్రముఖులు సంతాపం వ్యక్తం చేస్తున్నారు. నటుడిగా మాత్రమే కాదు నిర్మాతగా కూడా చలపతిరావు రాణించారు. 1966లో “గూడచారి 116” సినిమాతో చిత్ర పరిశ్రమంలోకి ఎంట్రీ ఇచ్చిన.. ఎన్నో సూపర్ హిట్ సినిమాలో కీలక పాత్ర పోషించారు. నిర్మాతగా కలియుగ కృష్ణుడు, కడప రెడ్డమ్మ, జగన్నాటకం, పెళ్లంటే నూరేళ్లపంట, ప్రెసిడెంట్ గారి అల్లుడు, అర్ధరాత్రి హత్యలు, రక్తం చిందించిన రాత్రి సినిమాలు నిర్మించారు. 1944 మే 8న జన్మించిన చలపతిరావు 78 సంవత్సరాల వయసులో ఈరోజు గుండెపోటుకు గురై మరణించడంతో… కుటుంబ సభ్యులు కన్నీరు మున్నీరవుతున్నారు.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!