ఏపి నూతన గవర్నర్ అబ్దుల్ నజీర్ కు శుభాకాంక్షలు తెలిపిన ఏపీ సీఎం వైఎస్ జగన్

ఏపి నూతన గవర్నర్ గా రిటైర్డ్ సూప్రీం కోర్టు న్యాయమూర్తి జస్టిస్ అబ్దుల్ నజీర్ నియమితులైన సంగతి తెలిసిందే. ఇక్కడ గవర్నర్ గా ఇప్పటి వరకూ బాధ్యతలు నిర్వహించిన బిశ్వభూషణ్ హరిచందన్ చత్తీస్‌గడ్ గవర్నర్ గా బదిలీ అయ్యారు. గవర్నర్ బదిలీ, నూతన గవర్నర్ నియామకంపై ఏపీ సీఎం వైఎస్ జగన్ ట్విట్టర్ వేదికగా స్పందించారు. నూతన గవర్నర్ గా నియమితులైన అబ్దుల్ నజీర్ కు సీఎం జగన్ శుభాకాంక్షలు తెలియజేశారు. గవర్నర్ అబ్దుల్ నజీర్ నాయకత్వంలో రాష్ట్రం మరింత పురోగమిస్తుందని సీఎం జగన్ ఆశాభావం వ్యక్తం చేశారు. జస్టిస్ నజీర్ అనుభవం ప్రజాస్వామ్యాన్ని పరిపుష్టం చేయడంలోనూ, రాష్ట్రానికి చక్కటి మార్గనిర్దేశం చేయడంలోనూ ఉపయోగపడుతుందని ఆకాంక్షించారు.

ఇక చత్తీస్‌గఢ్ గవర్నర్ గా నియమితులైన బిశ్వభూషణ్ హరిచందన్ కు సీఎం జగన్ శుభాకాంక్షలు తెలిపారు. ఈ మేరకు ఏపి గవర్నర్ గా బిశ్వభూషణ్ హరిచందన్ అందించిన సేవలను కొనియాడారు. రాష్ట్రం ప్రగతి పథంలో పయనించేందుకు గవర్నర్ బిశ్వభూషణ్ మరువలేని సహకారం అందించారని సీఎం జగన్ పేర్కొన్నారు.

It is my privilege to welcome the incoming Governor, Sri S. Abdul Nazeer garu, to our beautiful state of Andhra Pradesh. I look forward to working with you in unravelling Andhra Pradesh’s full potential.
Welcome Sir!

— YS Jagan Mohan Reddy (@ysjagan) February 12, 2023

It was a true honour working with Sri @BiswabhusanHC garu, the outgoing Governor of Andhra Pradesh. I thank him for the services he rendered to our State and will always cherish my fruitful association with him.
I wish him my best in his new role as the Governor of Chhattisgarh. pic.twitter.com/4mFym0Lr03

— YS Jagan Mohan Reddy (@ysjagan) February 12, 2023