Hanuman: 2024లో థియేటర్లలో రిలీజ్ అయి సూపర్ హిట్ విజయాన్ని అందుకున్న సినిమాలలో హనుమాన్ మూవీ ఒకటి. సంక్రాంతి బరిలో చిన్న సినిమాగా రిలీజ్ అయిన ఈ మూవీ భారీ కలెక్షన్స్ ను రాబట్టింది. ఇక ఈ సినిమాలో హీరో గా నటించిన తేజ సజ్జ కి మంచి పాపులారిటీ దక్కింది.
అదేవిధంగా ఈ సినిమాని డైరెక్ట్ చేసిన ప్రశాంత్ వర్మ సూపర్ పాపులారిటీని దక్కించుకున్నాడు అని చెప్పొచ్చు. ఈ మూవీ దాదాపూ రూ. 250 కోట్లకు పైగా కలెక్షన్స్ తో దూసుకుపోతుంది. ఇక లాంగ్ రన్ లో కూడా మరిన్ని వసూళ్లు రాబట్టే అవకాశాలు ఎక్కువగా కనిపిస్తున్నాయి. ఇక ఈ మూవీకి సీక్వెల్ గా జై హనుమాన్ తీస్తున్న సంగతి తెలిసిందే.
ఈ సీక్వెల్లి ఇప్పటికే ప్రకటించాడు ప్రశాంత్ వర్మ. ఇక ఇది ఇలా ఉంటే సోషల్ మీడియాలో ప్రస్తుతం ఓ వార్త వైరల్ గా మారింది. ఈ మూవీ ఘనవిజయం సాధించడంతో నిర్మాత నిరంజన్ రెడ్డి బిగ్ ప్లాన్ చేసినట్లు తెలుస్తుంది. ప్రశాంత్ వర్మకి ఈయన ఖరీదైన గిఫ్ట్ని ఇచ్చినట్లు సమాచారం. సాధారణంగా తాము తీసిన సినిమా హిట్ అయితే ఖరీదైన కారులను బహుమతిగా ఆ డైరెక్టర్ కి ఇవ్వడం సర్వసాధారణం.
గతంలోనూ పలువురు నిర్మాతలు డైరెక్టర్లకు సినిమా బ్లాక్ బస్టర్ కావడంతో ఖరీదైన కారులను బహుమతిగా ఇచ్చారు. ఇక ఈ జాబితాలో బేబీ డైరెక్టర్ కూడా ఉన్నాడు. ఇక తాజాగా ప్రశాంత్ వర్మ కి కూడా నిరంజన్ రెడ్డి రూ. 6 కోట్ల విలువచేసే కారుని బహుమతిగా ఇచ్చినట్లు తెలుస్తోంది. ప్రస్తుతం ఈ వార్త సోషల్ మీడియాలో నెట్టింట వైరల్ గా మారింది.