విదేశీ క్రికెట‌ర్ బ‌యోపిక్‌లో త‌మిళ హీరో…

ఎం.ఎస్‌.ధోని, స‌చిన్‌, అజార్ ఇలా ఎంతో మంది క్రికెట‌ర్స్ బ‌యోపిక్స్ రూపొందాయి. ఇప్పుడు కూడా 1983 క్రికెట్ వ‌ర‌ల్డ్‌క‌ప్ విన్నింగ్ టీమ్ జ‌ర్నీని సూచించే `83` సినిమా రూపొందుతోంది. ఈ సినిమాలో క‌పిల్ పాత్ర‌లో ర‌ణ‌వీర్ సింగ్ న‌టిస్తున్నాడు. కాగా ఇప్పుడు ఓ విదేశీ క్రికెట‌ర్‌గా త‌మిళ విల‌క్ష‌ణ న‌టుడు విజ‌య్‌సేతుప‌తి న‌టించ‌బోతున్నారు. ఇంత‌కు ఆ విదేశీ క్రికెట‌ర్ ఎవ‌రో కాదు.. ముత్త‌య్య ముర‌ళీధ‌ర‌న్‌. శ్రీలంక దేశానికి ప్రాతినిధ్యం వ‌హించిన ముర‌ళీధ‌ర‌న్ టెస్టుల్లో 800 వికెట్స్ సాధించి వ‌రల్డ్ రికార్డ్ క్రియేట్ చేశాడు. కాబ‌ట్టి ముర‌ళీధ‌ర‌న్ బ‌యోపిక్‌కి `800` అనే టైటిల్‌నే పెడుతున్నార‌ట‌. శ్రీలంక‌, ఇండియా, ఇంగ్లాండ్ ప్రాంతాల్లో ఈ సినిమాను తెర‌కెక్కిస్తార‌ట‌. ఈ ఏడాది చివ‌ర‌లో సినిమా ప్రారంభ‌మ‌వుతుంద‌ని అంటున్నారు. మ‌రి ద‌ర్శ‌కుడు, ఇత‌ర న‌టీన‌టులు, సాంకేతిక నిపుణుల వివ‌రాలు కావాలంటే కొన్నిరోజుల పాటు ఆగాల్సిందే.