ఏంటి రష్మిక మీద ఫైర్ అయ్యారా? తొలి తెలుగు సినిమా `చ‌లో`తో హిట్ కొట్టిన క‌న్న‌డిగ రష్మిక. ఆ త‌ర్వాత కూడా ఆమె తెలుగులో చేసిన సినిమ‌లేవీ డిస‌ప్పాయింట్ చేయ‌లేదు. ఆఖ‌రిగా న‌టించిన `డియ‌ర్ కామ్రేడ్‌`లోనూ ఆమె రిలీజ్ ముందు గొప్ప బ‌జ్ ని క్రియేట్ చేసింది. జీవితంలో కెరీర్ స్టార్టింగ్‌లో ఉండ‌గానే నిశ్చితార్థం, బ్రేక‌ప్ అంటూ చాలా విష‌యాల‌ను చూసేసింది రష్మిక. క‌న్న‌డ టు తెలుగు చిత్ర సీమ‌కు వ‌చ్చిన ఆమె, వ‌యా తెలుగు త‌మిళ‌నాడుకు చేరుకుంది. కార్తి స‌ర‌స‌న ఆమె ప్ర‌స్తుతం ఓ సినిమాలో న‌టిస్తోంది. ఈ సినిమాకు `సుల్తాన్` అనే టైటిల్ పెట్టిన‌ట్టు వినిపిస్తోంది. కానీ ఆ విష‌యాన్ని ఇప్ప‌టిదాకా చిత్ర యూనిట్ బ‌య‌ట‌కు చెప్ప‌లేదు. కానీ రష్మిక మాత్రం త‌న సోష‌ల్ మీడియా పేజెస్‌లో `సుల్తాన్ సెట్‌లో నాలుగో రోజు` అని బాహాటంగా ప్ర‌క‌టించేసింది. భాగ్య‌రాజ్ క‌న్న‌న్ ద‌ర్శ‌క‌త్వం వ‌హిస్తున్న ఈసినిమా టైటిల్‌ను గొప్ప ఫంక్ష‌న్ పెట్టి, వేడుక‌గా చేద్దామ‌ని చిత్ర యూనిట్ అనుకుంద‌ట. కానీవాళ్ల ఆశ‌ల మీద రష్మిక నీళ్లు చ‌ల్లింది. దీంతో ఆమె ముందు కాక‌పోయినా, ఇలా ఎందుకు చేసింద‌ని ఆమె త‌ర‌ఫు వారి ద‌గ్గ‌ర చిత్ర యూనిట్ ఫైర్ అయిన‌ట్టు తెలిసింది. త‌మిళంలో న‌టిస్తున్న తొలి సినిమా షూటింగ్‌లో ఉన్న నాలుగో రోజే ర‌ష్మిక‌కు ఇబ్బందులు ఎదుర‌య్యాయ‌న్న‌మాట. అయినా అన్నిట‌నీ పాజిటివ్ గా తీసుకునే రష్మిక, ఈ విష‌యాన్ని ఎలా తీసుకుంటుందో చూడాలి మ‌రి.
రష్మిక మీద ఫైర్ అయింది ఎవ‌రో తెలుసా?