ఈ వారం ఎలిమినేట్ అయ్యెదెవ‌రంటే?

తెలుగు రియాలిటీ షో బిగ్‌బాస్ ఎలిమినేష‌న్ జ‌రుగుతుంది. నాగార్జున హోస్ట్ చేస్తున్న ఈ షోలో ఈ వారం వ‌రుణ్ సందేశ్‌, శ్రీముఖి, బాబా భాస్క‌ర్‌, ర‌వికృష్ణ‌లు ఎలిమినేష‌న్‌కు సిద్ధ‌మ‌య్యారు. ఈ న‌లుగురిలో వ‌రుణ్ సందేశ్ ఎలిమినేష‌న్ నుండి త‌ప్పుకున్నాడ‌ని బిగ్‌బాస్ చెప్పేశాడు. ఇప్పుడు బాబా భాస్క‌ర్‌, శ్రీముఖి, ర‌వికృష్ణ‌లు ఎలిమినేష‌న్ ఫేస్ చేయ‌నున్నారు. అయితే ఈ వారం బిగ్‌బాస్ హౌస్ నుండి ర‌వికృష్ణ ఎలిమినేట్ అవుతున్న‌ట్లు సోష‌ల్ మీడియాలో వార్త‌లు విన‌ప‌డుతున్నాయి. ఇప్ప‌టి వ‌ర‌కు సోష‌ల్ మీడియాలో ఎలిమినేష‌న్‌పై వ‌చ్చిన వార్త‌ల‌న్నీ నిజ‌మ‌య్యాయి. ఈ నేప‌థ్యంలో ఇప్పుడు ర‌వికృష్ణ కూడా ఎలిమినేట్ అవుతాడ‌ని అంద‌రూ భావిస్తున్నారు.