Megastar Chiru: బ్రేకింగ్..చిరంజీవిపై విష ప్రయోగం..??

Megastar Chiru: తెలుగు సినీ పరిశ్రమలో చిరంజీవి మెగాస్టార్ గా ఎదగడానికి ఎన్నో ఆటు పోట్లు ఎదుర్కొన్న విషయం అందరికీ తెలిసిందే. అయితే చిరు ఎదుగుదల చూసి ఓర్వలేక గతంలో ఆయనపై హత్యాయత్నం (విషప్రయోగం) జరిగిన విషయం నేడు చాలా మందికి తెలియదు. ఈ తరుణంలో మెగాస్టార్ చిరంజీవి పై గతంలో విష ప్రయోగం జరిగింది తెలుసా అంటూ ఓ మెగా అభిమాని సోషల్ మీడియా వేదికగా చేసిన పోస్టు వైరల్ అయ్యింది. గత ఏడాది ఫిబ్రవరి నెలలోనే చిరుపై విష ప్రయోగానికి యత్నం అంటూ ప్రచురితమైన ఓ పేపర్ క్లిప్పింగ్ ఒకటి సోషల్ మీడియాలో వైరల్ అయ్యింది. నేడు తాజాగా చిరు జన్మదిన వేడుక సందర్భంగా ఆయన అభిమాని ఎన్పీ లక్కిరెడ్డి నాటి విషయాలను ప్రస్తావిస్తూ ట్విట్ చేశారు.

Megastar Chiru: ఎన్టీఆర్ ఏపి సీఎంగా ఉన్న సమయంలో..

1988లో ఎన్టీ రామారావు ముఖ్యమంత్రిగా ఉన్న సమయంలో తెలుగు సినీ ఇండస్ట్రీలో మూడు హిట్ లు కొట్టి నెంబర్ 1 హీరోగా చిరు ఉన్నారు. నాడు మరణ మృదంగం చిత్రీకరణలో చిరు పాల్గొంటున్నారు. ఆ రోజు మద్రాస్ బేస్ కోర్టులో షూటింగ్ జరుగుతోంది. అక్కడికి పెద్ద సంఖ్యలో అభిమానులు వచ్చారు. అందులో ఒక అభిమాని ఈ రోజు నా పుట్టిన రోజు అంటూ..ఎప్పటి నుండో మీ సమక్షంలో కేక్ కట్ చేయాలని అనుకుంటున్నాను, అంటూ ముందుకొచ్చాడు. దానికి చిరు అంగీకరించడంతో ఒక కేక్ ముక్క కట్ చేసిన అభిమాని దానిని వెంటనే చిరుకి బలవంతంగా తినిపించబోయాడు. అయితే అతడిని చిరు వారించినా వినకుండా చిరు నోట్లోనే కేక్ పెట్టేందుకు ట్రై చేశాడు. దాంతో అని నేల పాలు అయ్యింది. అలా నేలపైన పడిన ఆ కేక్ ముక్కలో గోధుమ రంగులో ఓ చిన్న ప్యాకెట్ బయటపడింది.

సీనీ పెద్దల జోక్యంతో సమసిన వివాదం

దాంతో మరణ మృదంగం చిత్ర యూనిట్ కంగారు పడింది. కేక్ మూలంగా చిరు పెదాలు రంగు మారడంతో విష ప్రయోగం జరిగి ఉంటుందని భావించి హుటాహటిన ఆసుపత్రికి వెళ్లి పరీక్షలు చేయించుకున్నారు. ఆ తరువాత రోజు రాష్ట్ర, జాతీయ న్యూస్ పేపర్ లలో మొదటి పేజీలో చిరుపై విషప్రయోగం యత్నం అంటూ ప్రముఖంగా వార్తలు వచ్చాయి. ఈ ఘటన నాడు హాట్ టాపిక్ అయ్యింది. చిరు ఎదుగుదలను సహించలేని వారి కుట్ర అంటూ ప్రచారం సాగింది. ఆ తరువాత సినీ పెద్దల జోక్యంతో ఈ వివాదం సద్దుమణిగింది. చిరు మెగాస్టార్ కావడానికి ఎన్ని అడ్డంకులు అధిగమించారో అర్థం చేసుకోండి అంటూ పేర్కొన్న లక్కీరెడ్డి  చిరుకు జన్మదిన శుభాకాంక్షలు తెలియజేశారు.

How many of you know about Murder attempt on #MegaStarChiranjeevi during his early days…

– It's during 1988, where NTR was Chief minister of the state. Chiranjeevi already had 3 Industry hits by then and enjoying "Yamudiki Mogudu" Industry hit… #HappyBirthdayChiranjeevi

— ఎన్పీ లక్కిరెడ్డి ✍️?‍? (@np_lakkireddy) August 22, 2021

sharma somaraju Content Editor

See Full Bio