సొంత పార్టీ పై కన్నెర్ర చేసిన పవన్ కళ్యాణ్..! ఇది అలవాటే గా….

జనసేన అధినేత పవన్ కళ్యాణ్ ఇప్పుడు రెండు తెలుగు రాష్ట్రాల్లో హాట్ టాపిక్ అయిపోయాడు. ఎన్నికల తర్వాత రాజకీయాల్లో కొనసాగుతారా లేదా అన్న అనుమానాలు మధ్య తాను ఇక్కడే ఉంటాను అని స్పష్టం చేసిన పవన్ వరుసగా సినిమాలకు సంతకం చేశాడు. ఇప్పుడు తాజాగా పవన్ ట్విట్టర్ వేదికగా చేసిన పోస్ట్ బాగా చర్చనీయాంశం అయింది.

ఇలా చేయడం సరికాదు….

పార్టీలో కొంతమందికి ప్రాధాన్యత ఇస్తున్నామని చెప్పిన పవన్ వారు వెళ్లి సోషల్ మీడియా ప్లాట్ఫామ్స్ ద్వారా మితిమీరి మాట్లాడుతున్నారని సొంత పార్టీలోని కొందరు నేతల వైఖరిని ఆయన తప్పు పట్టారు. నాయకులు నచ్చకపోతే తమ ఇష్టానుసారంగా మాట్లాడటం సరికాదని తమకు హేతుబద్ధత తెలియజేస్తే దానికి పరిష్కారం చూస్తామని పవన్ స్పష్టం చేశారు. ఇక అలా మాట్లాడాలి అనుకున్న వారు జనసేన నుండి బయటకు వెళ్లిపోయి మాట్లాడుకోవాలని పార్టీలోనే ఉంటూ ఇలా మాట్లాడితే మాత్రం కచ్చితంగా కుదరదని పవన్ నేరుగా స్పష్టం చేశాడు

రాజకీయాలేమన్నా సరదానా?

ఈ సందర్భంగా పార్టీ నుండి వంద మంది వెళ్ళిపోతే తను బలహీనపడే వ్యక్తిని కాదని చెప్పిన పవన్ కళ్యాణ్ వెయ్యి మందిని తీసుకొని వచ్చి పార్టీని బలపరుస్తానని ధీమా వ్యక్తం చేశాడు. గడ్డాలు పెట్టుకొని బుజ్జగించడం…. బ్రతిమిలాడడం తమ దగ్గర ఉండదని జనసేనాని స్పష్టం చేశాడు. రాజకీయాలు తనకేం సరదా కాదని తనకు ఉన్న బాధ్యతను ప్రతి ఒక్కరు ఇదే స్ఫూర్తితో ముందుకు తీసుకువెళ్లాలని కార్యకర్తలకు పిలుపునిచ్చాడు. అయితే పవన్ పేర్కొన్న అంశాన్ని గమనించిన పార్టీ కార్యకర్తలు ఏ నేతల గురించి ఆయన ఇలా మాట్లాడుతున్నారు అన్నది ఇంకా స్పష్టం కాలేదు అయితే పవన్ ఈ స్థాయిలో అసహనం చెందాడు అంటే వారు కచ్చితంగా ఎవరో ముఖ్యనేతలు అయి ఉంటారని అభిప్రాయపడుతున్నారు.

చక్కబెట్టేది ఏదైనా ఉందా ఇంతకీ?

ఇక ఈ విషయంలో మరింత ముందుకు వెళ్తే…. జనసేన నుండి ఎన్నికైన ఏకైక ఎమ్మెల్యే రాపాక వరప్రసాద్ దగ్గర నుండి మరికొంతమంది నేతలు జనసేనలో ఉంటూనే ఆ పార్టీ వైఖరి వ్యతిరేకిస్తున్నారు. అయితే 2019 సార్వత్రిక ఎన్నికల్లో ఓటమి పాలైన తర్వాత ప్రజలకు సమస్య వస్తే ముందుగా పవన్ పేరు గుర్తు వస్తుంది అన్నది కొందరి మాట. అలాంటి పవన్ కళ్యాణ్ తన సొంత పార్టీలోని వ్యవహారాలను చక్కబెట్టుకోవడంలో విఫలం అవుతున్నాడా అన్న ప్రశ్నలు తలెత్తుతున్నాయి. ఇదే కొనసాగితే పార్టీ కేడర్లో ఉత్సాహం లోపించి తర్వాత ఎన్నికల్లో పార్టీ మరింత బలహీనపడుతుంది. మరి పవన్ పై ట్విట్టర్ లో పోస్ట్ లు వేయడమేనా…. అసలైన చోట కార్యాచరణ చూపుతాడా లేదా అన్నది వేచిచూడాలి.