భారతదేశ చలనచిత్ర చరిత్రలోనే రామ్ గోపాల్ వర్మ ప్రస్థానం చాలా గొప్పది. ఇప్పటి వరకు దేశంలో చలనచిత్రాలను ప్రేక్షకులు సినిమా చూసే తీరుని మార్చేసిన అతి కొద్దిమంది దర్శకుల్లో ఆయన ఒకడు. భారతదేశం నుండి వచ్చిన అతి గొప్ప డైరెక్టర్లలో వర్మ పేరు ఎప్పటికీ ఉంటుందని ఎంతో మంది ప్రముఖులు చెప్పారు. అయితే ఎవరికీ సాధ్యం కాని రీతిలో అతి కొద్ది కాలంలోనే భారీగా మంచి పేరు సాధించిన వర్మ అంతే త్వరగా కెరీర్ లో పతనం కూడా చూశాడు. కానీ ఆయనకు ఇవేమీ పట్టవు. ప్రతి రోజు తనని తాను అన్వేషించుకుంటూ ముందుకు వెళ్లడం ఒక్కటే అతనికి తెలుసు.
వర్మ మ్యాజిక్ సీక్రెట్స్ ఇవి….
వాస్తవానికి వర్మ సినిమాలు ఫ్లాప్ కావడం మొదలై దశాబ్దం అయిపోతుంది. అతను చివరగా హిట్ కొట్టిన చిత్రం రక్త చరిత్ర మొదటి భాగం. ఇక వివాదాస్పద అంశాల నేపథ్యంలో లేదంటే బూతు కంటెంట్ తో సినిమాలు తీయడం.. పబ్లిసిటీ గిమ్మిక్కులు, ఓ వర్గం ప్రేక్షకులు నొప్పించినా మరో వర్గం వారిలో ఆసక్తి పెంచడం…. ఇలా సొమ్ము చేసుకోవడం వర్మ అలవాటుగా మార్చుకున్నాడు. తక్కువ బడ్జెట్ తో సినిమాలు తీస్తూ ఎక్కువ ప్రమోషన్ తో డబ్బు బాగానే వెనుకేశాడు.
గడ్డు కాలం మొదలు….
అయితే లాక్ డౌన్ సమయంలో ఎంతో వినూత్నరీతిలో పే పర్ వ్యూ పద్ధతిలో కొన్ని సినిమాలు విడుదల చేసిన ఆర్జీవీకి మొదట్లో భారీ లాభాలు వచ్చాయి. పెట్టుబడి లక్షల్లో కోట్లలో కానీ ఇప్పుడు అలాంటి జిమ్మిక్కులు జనాల ముందు పని చేయడం లేదు. వర్మ ఎంత సెన్సేషనల్ స్టోరీ తీసుకున్నా జనాల్లోకి కనీస ఆసక్తి కనిపించడం లేదు. చివరిగా వర్మ పే పర్ వ్యూ స్టైల్ లో విడుదల చేసిన అతి కొద్ది రెస్పాన్స్ కూడా కరువైంది. ఇక దీనికి తోడు అతని సినిమాలకు వరుసగా లీగల్ ఇష్యూ లు మొదలవుతున్నాయి. రిలీజ్ ఆలస్యం అయిపోతుంది…. ఈలోపల ప్రేక్షకులకు ఆసక్తి కాస్త పోతోంది.
అడుగడుగునా అడ్డంకులే….
తాజాగా మిర్యాలగూడ ప్రణయ్-అమృత ల కథతో తెరకెక్కించిన మర్డర్ సినిమా ఇంకా విడుదలకు నోచుకోలేకపోయింది. ప్రణయ్ తండ్రి ఈ సినిమా విడుదలను ఆపివేయండి అంటూ పెద్ద రచ్చ చేశాడు. ఇప్పుడు దిశ ఎన్కౌంటర్ సినిమా పరిస్థితి కూడా అలాగే తయారైంది. ఆమె తల్లిదండ్రులు సైతం తమ కూతురి ఘోరమైన మరణాన్ని జనాలు చూడడం ఇష్టం లేదని అడ్డం కూర్చున్నారు. ఇక కరోనా వైరస్ పై సినిమా తీస్తే అసలు దాని రివ్యూలు కూడా జనాలకు కనబడకుండా పోయాయి.
ఈ సినిమాను పే పర్ వ్యూ పద్ధతిలో రిలీజ్ చేసినా ఆశించిన రెస్పాన్స్ లేదు కాబట్టి లాక్ తర్వాత రిలీజ్ చేస్తాను అని వర్మ ప్రకటించినప్పటికీ పట్టించుకునే నాధుడు లేడు.. ఇలాంటి అతి దీనమైన పరిస్థితిలో వర్మ తిరిగి పుంజుకుంటాడా లేదా ఇదే వర్మ కెరీర్ కు ఇక చరమగీతమా అన్నది వేచి చూడాలి.