Unstoppable 2: ప్రముఖ ఓటీటీ ఆహాలో “అన్ స్టాపబుల్” టాకీ షో ఎంత సంచలనం సృష్టించిందో అందరికీ తెలుసు. బాలయ్య హోస్ట్ గా స్ట్రీమింగ్ అయిన ఈ షో మొదటి సీజన్ చాలామందిని ఆకట్టుకుంది. సమాజంలో ప్రముఖులను ఇంటర్వ్యూ చేస్తూ వారి వ్యక్తిగత ఇంకా కాంట్రవర్సీ అంశాలకు సంబంధించి బాలయ్య వేసే ప్రశ్నలు.. షోలో ఎంతో హైలెట్ గా నిలిచేవి. ఇదిలా ఉంటే త్వరలో “అన్ స్టాపబుల్ 2” సీజన్ స్టార్ట్ కానున్న సంగతి తెలిసిందే. ఇప్పటికే రెండో సీజన్ కి సంబంధించి ప్రోమోలు కూడా విడుదల చేయడం జరిగింది.
ఈ క్రమంలో తాజాగా పొలిటికల్ టచ్ కూడా ఈ షోకి అందేలా షో నిర్వాహకులు ప్లాన్ చేసినట్లు సమాచారం. దీనిలో భాగంగా బాలకృష్ణ బావమరిది టీడీపీ అధినేత చంద్రబాబు అతిథిగా రాబోతున్నట్లు వార్తలు వస్తున్నాయి. ఒక్క సినిమా సెలబ్రిటీలు మాత్రమే కాక రాజకీయ నాయకులను సైతం షోకి తీసుకురావడం వల్ల.. మరింత హైప్ పెరుగుతుందని..షో నిర్వాహకులు డిసైడ్ అయ్యి బాలయ్యతో చర్చించి.. చంద్రబాబును తీసుకొస్తున్నట్లు సమాచారం.
ఒక్క చంద్రబాబు మాత్రమే కాదు ఈ సెకండ్ సీజన్ లో చిరంజీవి ఇంకా పవన్ కళ్యాణ్.. బిగ్ స్టార్స్ వస్తున్నట్లు వార్తలు వస్తున్నాయి. మొదటి సీజన్ లో మహేష్ బాబు, రవితేజ, విజయ్ దేవరకొండ, సుకుమార్, నాని, వంశీ పైడిపల్లి, పూరి జగన్నాథ్, అనిల్ రావిపూడి, బ్రహ్మానందం ఇంకా చాలామంది నటీనటులు హాజరయ్యారు. “అన్ స్టాపబుల్” మొదటి సీజన్ తో ఆహాకి మంచి డిమాండ్ పెరిగింది. దీంతో సెకండ్ సీజన్ మరింతగా అలరించేలా షో నిర్వాహకులు ప్లాన్ చేసినట్లు సమాచారం. చంద్రబాబు షో ఓకే అయితే మరి స్వయానా బావ కావటంతో బాలకృష్ణ ఎటువంటి ప్రశ్నలు వేస్తారో అన్నది ఆసక్తికరంగా మారింది.