అన్నయ్య నందమూరి కల్యాణ్‌రామ్‌ సినిమా ‘ఎంత మంచివాడవురా’కి సపోర్ట్‌ ఇవ్వడానికి తమ్ముడు అగ్ర కథానాయకుడు ఎన్టీఆర్‌ సిద్ధమయ్యారు. కల్యాణ్‌రామ్‌ హీరోగా నటిస్తోన్న చిత్రం ‘ఎంత మంచివాడవురా’. సంక్రాంతి సందర్భంగా సినిమా జనవరి 15న విడుదల కానుంది. సతీశ్‌ వేగేశ్న దర్శకత్వంలో తెరకెక్కుతోన్న ఈ చిత్రానికి ఉమేష్‌ గుప్త, సుభాష్‌ గుప్త నిర్మాతలు. శివలెంక కృష్ణ ప్రసాద్‌ సమర్పకుడిగా వ్యవహరిస్తున్నారు. మెహరీన్‌ కథానాయిక. ప్రస్తుతం సినిమా నిర్మాణానంతర కార్యక్రమాలు శరవేగంగా జరుగుతున్నాయి. ఇప్పటికే సంక్రాంతికి మహేశ్‌, బన్నీ వంటి స్టార్‌ హీరోల సినిమాలు విడుదలవుతున్నాయి. ఈ తరుణంలో ‘ఎంతమంచివాడవురా’పై ఉన్న అంచనాలను మరింత పెంచడానికి జనవరి 8న జరగబోయే ఈ సినిమా ప్రీ రిలీజ్‌ ఈవెంట్‌కు ఎన్టీఆర్‌ ముఖ్య అతిథిగా వస్తున్నారు.
