వెబ్ సీరీస్ చూసేవాళ్లకి ది ఫ్యామిలీ మ్యాన్ గురించి ప్రత్యేకపరిచయం అక్కర్లేదు. మనోజ్ బాజ్పాయి, ప్రియమణి నటించిన ఈ వెబ్సీరీస్ నెట్టింట్లో పాపులారిటీని సంపాదించుకుంది. తెలుగువారు రాజ్, డీకే దర్శకత్వం వహించారు. ఈ సీరీస్కి ఇప్పుడు సీక్వెల్ సిద్ధమవుతోంది. తొలి భాగానికి అమితమైన స్పందన రావడంతో రాజ్, డీకే సీక్వెల్ కి స్క్రిప్ట్ సిద్ధం చేస్తున్నారు. అందులో ఓ ఇంట్రస్టింగ్ క్యారక్టర్ కోసం వాళ్లు సమంతను అప్రోచ్ అయ్యారట. ఆల్రెడీ ఆ సీరీస్ని ఫాలో అవుతున్న సమంత…. తన పాత్ర నచ్చడంతో వెంటనే ఓకే చెప్పేశారని తెలిసింది. సమంత ఇప్పటివరకూ వెబ్సీరీస్లో నటించలేదు. సో ది ఫ్యామిలీమేన్2 ఆమె నటించబోయే తొలి వెబ్ సీరీస్ అవుతుంది. `ఓ బేబీ` తర్వాత ఫ్యామిలీకి టైమ్ కేటాయిస్తున్న సమంత, త్వరలోనే ఈ వెబ్సీరీస్లో సందడి చేయనుంది. మరోవైపు ఆమెకు సిల్వర్ స్క్రీన్ మీద 96 రీమేక్ చిత్రం ఉంది. కారణాలు ఏమైనా ఆమె మరే సినిమాకూ సంతకం చేయకపోవడం గమనార్హం. అమేజాన్ ప్రైమ్లో ప్రసారమయ్యే ఈ సీరీస్లో మనోజ్ బాజ్పాయ్ తొలి భాగంలో చేసిన పాత్రనే తాజా సీరీస్లోనూ చేయనున్నారు.
previous post
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!