Salaar 2: “సలార్ 2” పై ప్రభాస్ సంచలన వ్యాఖ్యలు…రిలీజ్ ఎప్పుడో చెప్పిన నిర్మాత..!!

Salaar 2: యంగ్ రెబల్ స్టార్ ప్రభాస్ “సలార్” తో సూపర్ హిట్ అందుకోవడం తెలిసిందే. డిసెంబర్ 22వ తారీకు విడుదలైన ఈ సినిమా 2023లో అనేక రికార్డులు క్రియేట్ చేయడం జరిగింది. ఈ సినిమా గత ఏడాది ఓపెనింగ్స్ లో అత్యధిక కలెక్షన్స్ సాధించిన సినిమాగా నిలిచింది. “సలార్” సినిమా వారం రోజులు కాకుండానే 500 కోట్లు కలెక్ట్ చేసి అందరికీ షాక్ ఇచ్చింది. ప్రస్తుతం ఇంకా విజయవంతంగా థియేటర్ లో ప్రదర్శితం అవుతుంది. దర్శకుడు ప్రశాంత్ నీల్ తీసిన ఈ చిత్రంలో ప్రభాస్ నీ చాలా అద్భుతంగా చూపించడం జరిగింది. యాక్షన్స్ సన్నివేశాలలో హీరో ఎలివేషన్.. సినిమాకే హైలైట్ గా నిలిచాయి.

“సలార్” రెండు భాగాలుగా రాబోతున్నది. మొదటి భాగం బ్లాక్ బస్టర్ కావటంతో ఇప్పుడు రెండో భాగం కోసం ఫ్యాన్స్ ఎదురుచూస్తున్నారు. ఈ క్రమంలో “సలార్ 2″ గురించి ప్రభాస్ సంచలన వ్యాఖ్యలు చేయడం జరిగింది. స్టోరీ ఆల్రెడీ సిద్ధంగా ఉందని వ్యాఖ్యానించారు. వీలైనంత త్వరగా సినిమాను ప్రేక్షకులకు అందించాలనే లక్ష్యంతో అతి త్వరలో ప్రారంభించబోతున్నట్లు తెలిపారు. నా అభిమానులు చాలామంది దీనికోసం ఎదురుచూస్తున్నారనీ నాకు తెలుసు.. త్వరలోనే అన్ని వివరాలు తెలియజేస్తామని ప్రభాస్ స్పష్టం చేశారు. ఇదిలా ఉంటే ఈ సినిమా నిర్మాత విజయ్ కిరగంధూర్ ఇటీవల ఇంటర్వ్యూలో మాట్లాడుతూ..”సలార్ 2” విడుదల తేది తెలియజేశారు. 2025వ సంవత్సరంలో సినిమా రిలీజ్ అవుతుందని స్పష్టం చేశారు.

“సలార్ 2” స్క్రిప్ట్ సిద్ధంగా ఉంది. వీలైనంత త్వరగా సినిమాను సెట్స్ పైకి తీసుకెళ్లడానికి ప్రభాస్ మరియు ప్రశాంత్ నీల్ ప్లాన్ చేస్తున్నట్లు స్పష్టం చేశారు. గత కొద్దిరోజుల నుండి చర్చలు జరుగుతున్నాయి. 18 నెలల తర్వాత 2025లో ఉచితంగా ఈ సినిమాని విడుదల చేస్తాం అని స్పష్టం చేశారు. ప్రస్తుతం ప్రభాస్.. మారుతీ దర్శకత్వంగా చేస్తున్న సినిమా షూటింగ్ తో పాటు నాగ్ అశ్విన్ సినిమా షూటింగ్ లో బిజీగా ఉన్నారు. నాగ్ అశ్విన్ సినిమా “కల్కి 2898 AD” ఏప్రిల్ నెలలో విడుదల చేయడానికి సన్నాహాలు చేస్తున్నారు. ఈ క్రమంలో “సలార్” రెండో భాగం షూటింగ్.. జూన్ తర్వాత మొదలు కాబోతున్నట్లు సమాచారం.