నాగార్జున వార‌సుడిగా సినీ ఇండ‌స్ట్రీలోకి అడుగుపెట్టిన అఖిల్ అక్కినేని.. కెరీర్ స్టార్టింగ్‌లో వ‌రుస ఫ్లాపుల‌ను మూడ‌గ‌ట్టుకున్నాడు. ఈయ‌న నుండి వ‌చ్చిన `అఖిల్`, `హలో`, `మిస్టర్ మజ్ను` చిత్రాలు బాక్సాఫీస్ వ‌ద్ద ఘోరంగా బోల్తా ప‌డ్డాయి. అయితే అఖిల్ నాలుగో ప్ర‌య‌త్నంగా చేసిన `మోస్ట్ ఎలిజిబుల్ బ్యాచ్‌ల‌ర్` మంచి విజ‌యం సాధించింది.ఇదే అఖిల్ తొలి మూవీ. ఈ సినిమా అనంత‌రం స్టైలిష్ డైరెక్టర్ డైరెక్టర్ సురేందర్ రెడ్డితో క‌లిసి `ఏజెంట్` అనే ప్రాజెక్ట్ ను ప‌ట్టాలెక్కించాడు. ఏకే ఎంట‌ర్‌టైన్‌మెంట్స్ సురేందర్ 2 సినిమా బ్యాన‌ర్ల‌పై రామబ్రహ్మం సుంకర నిర్మించిన ఈ చిత్రంలో సాక్షి వైద్య హీరోయిన్‌గా న‌టించింది.
మ‌ల‌యాళ స్టార్ మమ్ముట్టి కీలక పాత్రను పోషించారు. యాక్ష‌న్ థ్రిల్ల‌ర్‌గా రూపుదిద్దుకున్న ఈ చిత్రంలో అఖిల్ రా ఏజెంట్‌గా సిక్స్ ప్యాక్ లుక్‌లో అల‌రించ‌బోతున్నాడు. ఈ పాన్ ఇండియా చిత్రం ఆగ‌స్టు 12న విడుద‌ల కావాల్సి ఉన్నా.. ఆ తేదీకి వ‌చ్చే అవ‌కాశాలు లేవు. అయితే ప్ర‌స్తుతం మేక‌ర్స్ ఈ మూవీ విడుద‌ల‌కు సెల‌వులు క‌లిసొచ్చే విధంగా ఓ సోలో డేట్ కోసం తెగ అన్వేషిస్తున్నార‌ట.
ఇందులో భాగంగానే ద‌స‌రాకు రిలీజ్ చేయాల‌ని భావించార‌ట. కానీ, ఆ టైమ్‌లో చిరంజీవి `గాడ్ ఫాద‌ర్‌`, నాగార్జున `ఘోస్ట్‌`, ర‌వితేజ `రావ‌ణాసుర` త‌దిత‌రుల చిత్రాలు విడుద‌ల‌కు సిద్ధ‌గా ఉన్నాయి. పోని `ఏజెంట్`ను డిసెంబ‌ర్‌లో దింపుదామంటే.. అప్పుడు కూడా ప‌లు పెద్ద చిత్రాలు అడ్డుప‌డుతున్నాయ‌ట. దీంతో ఏ తేదీని ఖ‌రారు చేయాలో తెలియ‌క మేక‌ర్స్ అయోమ‌యంలో ప‌డ్డార‌ట. మ‌రి పాపం అఖిల్ ఈ రిలీజ్ డేట్ క‌ష్టం నుండి ఎప్పుడు బ‌య‌ట‌ప‌డ‌తాడో చూడాలి.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!